బాలీవుడ్ నటి శిల్పాశెట్టి.. మరోసారి మాతృత్వ అనుభవాన్ని పొందింది. ఈరోజు ఉదయం తమకు పండంటి ఆడబిడ్డ జన్మించినట్లు చెప్పింది. ఈ విషయాన్ని ఇన్స్టాలో పోస్ట్ చేసిందీ భామ. పాపకు 'సమిశ శెట్టి' అనే పేరు పెట్టినట్లు వెల్లడించింది.
"ఇన్నాళ్ల మా ప్రార్థనలకు ప్రతిఫలంగా ఓ అద్భుతం జరిగింది. గుండెల నిండా ఆనందంతో మా చిట్టితల్లిని ఆహ్వానిస్తున్నాం. సమిశ శెట్టి కుంద్రా ఈరోజు పుట్టింది" -శిల్పాశెట్టి, నటి
శిల్పాశెట్టి కూతురు ఫొటోశిల్పాశెట్టి ఇన్స్టాగ్రామ్ పోస్ట్
నటి శిల్పాశెట్టికి ప్రముఖ పారిశ్రామిక వేత్త రాజ్ కుంద్రాతో 2009లో వివాహమైంది. 2012 మేలో వీరికి కొడుకు అయాన్ పుట్టాడు. ఇప్పుడు సరోగసి విధానం ద్వారా పాపకు తల్లిదండ్రులు అయ్యారు.
90వ దశకం నుంచి సినీ ప్రేక్షకుల్ని అలరించిన శిల్పా.. పెళ్లి తర్వాత నటనకు గుడ్బై చెప్పేసింది. దాదాపు 13 ఏళ్ల విరామం తర్వాత 'నిక్కమ్మ' చిత్రంతో బాలీవుడ్లోకి రీఎంట్రీ ఇస్తోంది. ఈ ఏడాది జూన్లో థియేటర్లలోకి రానుందీ సినిమా. దీనితో పాటే 'హంగామా 2'లోనూ నటిస్తోందీ ముద్దుగుమ్మ.
