యువ కథానాయకుడు శర్వానంద్ నుంచి వరుస సర్ప్రైజ్లు వచ్చాయి. శర్వా పుట్టినరోజును అగ్రహీరో రామ్చరణ్ హోస్ట్ చేశారు. ఆ ఫొటోలు ప్రస్తుతం సోషల్ మీడియాలో సందడి చేస్తున్నాయి. అలానే ఇతడు నటిస్తున్న రెండు సినిమాల అప్డేట్స్ కూడా వచ్చాయి.
'మహాసముద్రం' సినిమాలో సిద్ధార్థ్తో కలిసి శర్వానంద్ నటిస్తున్నారు. బర్త్డే సందర్భంగా శర్వా మాస్ లుక్ను విడుదల చేశారు. అది అభిమానుల్ని ఆకట్టుకుంటోంది. అజయ్ భూపతి దర్శకత్వం వహిస్తున్నారు.
అలానే శర్వానంద్, కిశోర్ తిరుమల దర్శకత్వంలో నటిస్తున్న కొత్త సినిమాకు 'ఆడాళ్లు మీకు జోహార్లు' టైటిల్ను నిర్ణయించారు. పోస్టర్ను శర్వా పుట్టినరోజు సందర్భంగా విడుదల చేశారు. ఇందులో రష్మిక హీరోయిన్. త్వరలో షూటింగ్ ప్రారంభించనున్నట్లు తెలిపారు.
