కరోనా కాస్త ఊపిరి పీల్చుకొనే అవకాశం ఇవ్వడం వల్ల అగ్ర హీరోలు వేగం పెంచారు. ఇటీవలే 'పఠాన్' చిత్రీకరణను మొదలు పెట్టిన షారుక్ ఖాన్(Sharukh Khan) మరో చిత్రం కోసం కూడా సిద్ధమవుతున్నట్లు తెలుస్తోంది. ప్రముఖ దర్శకుడు రాజ్కుమార్ హిరాణీ దర్శకత్వంలో షారుక్ నటిస్తున్నారంటూ కొన్ని రోజులుగా ప్రచారం జరుగుతోంది. ఈ సినిమాను ఈ ఏడాది సెప్టెంబరులో మొదలు పెట్టడానికి సన్నాహాలు జరుగుతున్నాయి. వలసల నేపథ్యంగా ఈ కథ సాగనుందట. ఇందులో నాయికగా తాప్సీని తీసుకోవాలని భావిస్తున్నారట హిరాణి. ఈ సినిమాతో పాటు షారుక్ తమిళ దర్శకుడు అట్లీతో కలిసి ఓ చిత్రం కోసం పనిచేయనున్నారు.
'అంతిమ్'లో సల్మాన్
బాలీవుడ్ అగ్ర కథానాయకుడు సల్మాన్ఖాన్(Salman Khan) కూడా షూటింగ్లో పాల్గొనేందుకు సిద్ధమయ్యారు. ఆయన కీలక పాత్రలో నటిస్తున్న చిత్రం 'అంతిమ్'. ఆయన బావమరిది ఆయుష్ శర్మ కథానాయకుడిగా నటిస్తున్న చిత్రమిది.
"ఈ షెడ్యూల్ కొన్ని రోజుల్లోనే పూర్తి కానుంది. ముందుగా తన పాత్రకు సంబంధించిన సన్నివేశాలను పూర్తి చేస్తే సినిమా మరింత వేగంగా ముగించొచ్చు అని సల్మాన్ భావిస్తున్నారు" అని అంతిమ్ చిత్రవర్గాలు చెప్పినట్టు సమాచారం. మరాఠీ చిత్రం 'ముల్టీ పేట్రన్'కు హిందీ రీమేక్గా మహేష్ మాంజ్రేకర్ 'అంతిమ్'ను తెరకెక్కిస్తున్నారు. ఇప్పటికే విడుదలైన టీజర్లో సల్మాన్, ఆయుష్ మధ్య సాగే పోరాట సన్నివేశం ఆకట్టుకుంది.
ఈ చిత్రం తర్వాత సల్మాన్ 'టైగర్ 3' షూటింగ్ సెట్లో అడుగుపెట్టబోతున్నట్లు తెలుస్తోంది. దీని కోసం విదేశాల్లో ఓ భారీ స్థాయి ఫైట్ను తెరకెక్కించడానికి ఏర్పాట్లు జరుగుతున్నాయి.
ఇదీ చూడండి: OTT Cinemas: ఈ వారం విడుదలయ్యే సినిమాలివే
