'మల్లీశ్వరి' సినిమాలో 'పెళ్లి కాని ప్రసాద్' పాత్రలో నటించి ప్రేక్షకులను కడుపుబ్బా నవ్వించారు హీరో వెంకటేశ్. ఆ చిత్రాన్ని ఇప్పుడు చూసినా, గుర్తుకుతెచ్చుకున్నా వెంకీ చేసిన కామెడీకి నవ్వుకుంటూనే ఉంటాం. అంతగా ఆ పాత్రలో ఆయన సినీప్రియులు చేత గిలిగింతలు పెట్టించారు. ఇప్పుడే అలాంటి తరహా పాత్రలోనే హీరో శర్వానంద్ నటించనున్నారని తెలిసింది. ఈ విషయమై నెటిజన్లు తెగ చర్చించుకుంటున్నారు.
ప్రస్తుతం శర్వా.. కిశోర్ తిరుమల దర్శకత్వంలో 'ఆడవాళ్లు మీకు జోహార్లు' అనే సినిమా చేస్తున్నారు. ఈ చిత్రంలోనే ఆయన పూర్తి స్థాయి కామెడీ పాత్రలో పెళ్లి కాని ప్రసాద్గా కనిపించనున్నారని తెలిసింది. ఇక ఆయన పండించే హాస్యమే ఈ చిత్రంలో హైలెట్గా నిలువనుందట. కాగా ఈ సినిమాలో రష్మిక హీరోయిన్గా నటించనుంది. ఈ చిత్రంతో పాటు శర్వా.. సిద్ధార్థ్తో కలిసి 'మహాసముద్రం'లోనూ నటిస్తున్నారు. అజయ్ భూపతి దర్శకుడు. ఇటీవల ఆయన నటించిన 'శ్రీకారం' విడుదలై ప్రేక్షకుల ప్రశంసలను అందుకుంది.
ఇదీ చూడండి: శర్వానంద్ నుంచి వరుస సర్ప్రైజ్లు
