సూపర్స్టార్ మహేశ్బాబు 'సరిలేరు నీకెవ్వరు'.. తొలిరోజు విశేషమైన కలెక్షన్లు రాబట్టింది. శనివారం వచ్చిన ఈ సినిమా.. రెండు తెలుగు రాష్ట్రాల్లో కలిపి సుమారు రూ.32.77 కోట్లు వసూలు చేసిందని విశ్లేషకులు వెల్లడించారు.
నైజాంలో రూ.8.66 కోట్ల, సీడెడ్లో రూ.4.15 కోట్లు,యూఏ(ఉత్తరాంధ్ర)లో రూ.4.4 కోట్లు, కృష్ణలో రూ.3.07 కోట్లు, గుంటూరులో రూ.5.15 కోట్లు, తూ.గోలో రూ.3.35 కోట్లు, ప.గోలో రూ.2.72 కోట్లు, నెల్లూరులో రూ.1.27 కోట్లు సాధించిందని చెప్పారు. అమెరికాలోని 294 స్క్రీన్లలో రూ.5.39 కోట్లు రాబట్టినట్లు పేర్కొన్నారు. ఇది ఓ అద్భుతమైన ఆరంభమని విశ్లేషకులు అన్నారు.
ఈ సినిమాలో మహేశ్ ఆర్మీ మేజర్గా కనిపించాడు. రష్మిక హీరోయిన్. అనిల్ రావిపూడి దర్శకత్వం వహించాడు. విజయశాంతి, ప్రకాశ్‌రాజ్‌, రాజేంద్ర ప్రసాద్‌, సంగీత తదితరులు కీలక పాత్రలు పోషించారు.
ఇది చదవండి: 'సాహో' రికార్డును అధిగమించిన 'సరిలేరు నీకెవ్వరు'!
