బాలీవుడ్ కథానాయకుడు రణ్బీర్ కపూర్ హీరోగా, సందీప్రెడ్డి వంగా దర్శకత్వంలో ఓ చిత్రం రూపొందనుంది. 'కబీర్సింగ్' తర్వాత ఆ దర్శకుడు తెరకెక్కించనున్న ఈ సినిమాపై ఇప్పటికే విపరీతమైన అంచనాలు పెరిగాయి. అయితే ఈ చిత్రంలో హీరోయిన్గా సారా అలీఖాన్ను చిత్రబృందం ఎంపిక చేసినట్లు సమాచారం.
ఈ చిత్రంపై ఇప్పటివరకు ఎలాంటి అధికారిక ప్రకటన రాలేదు. హీరోయిన్గా పలువురిని ఆడిషన్ చేయగా.. చిత్రబృందం సారావైపే మొగ్గుచూపినట్లు తెలుస్తోంది. యాక్షన్ డ్రామాగా ఈ సినిమా తెరకెక్కనుందని సినీ వర్గాలు అంటున్నాయి. టీ సిరీస్ నిర్మించనున్న ఈ సినిమాకు 'ఏనిమల్' అనే టైటిల్ పరీశీలనలో ఉంది.
'బ్రహ్మాస్త్ర', 'షంషేరా', 'లవ్ రంజన్' చిత్రాలతో ప్రస్తుతం రణ్బీర్ బీజీగా ఉన్నాడు. సారా.. ఆనంద్ ఎల్.రాయ్ 'అతిరంగీ రే' చిత్రీకరణలో ఉంది. ఈ రెండూ పూర్తవగానే 'ఏనిమల్' సెట్స్పైకి వెళ్లనుంది.
ఇదీ చూడండి: నలభై ఏళ్లలోనూ అదరగొట్టేస్తున్న మలైకా, శిల్ప
