Samantha Yasodha Movie: విభిన్నమైన కథలు, మహిళా ప్రాధాన్యమున్న చిత్రాలను ఎంచుకుంటూ కెరీర్లో జోరు ప్రదర్శిస్తోంది హీరోయిన్ సమంత. ఆమె నటించనున్న భారీ బడ్జెట్ సినిమాల్లో 'యశోద' ఒకటి. ఇందులో యాక్షన్ సన్నివేశాలు కూడా ఉండనున్నాయి. ఇటీవలే హైదరాబాద్లో యాక్షన్ సన్నివేశాలను చిత్రీకరించారు. ప్రస్తుతం కొడైకెనాల్లోని రూ.3 కోట్ల వ్యయంతో వేసిన ఓ భారీ సెట్లో చిత్రీకరణ చేస్తున్నారట! దీని కోసం హాలీవుడ్ యాక్షన్ కొరియోగ్రాఫర్ యానిక్ బెన్ రంగంలోకి దిగారు.
హాలీవుడ్ సినిమాలు 'ట్రాన్స్పోర్టర్ 3', 'ప్రాజెక్ట్ 7', 'సిటీ హంటర్', 'ఇన్సెప్షన్', 'డంకర్క్' వంటి సినిమాలకు ఆయన పని చేశారు. సమంత నటించిన 'ది ఫ్యామిలీ మ్యాన్ 2' వెబ్సిరీస్కు కూడా ఆయనే పనిచేశారు.
శ్రీదేవి మూవీస్ పతాకంపై శివలెంక కృష్ణప్రసాద్ యశోద సినిమాను నిర్మిస్తున్నారు. కొంత కాలం క్రితం రెగ్యులర్ షూటింగ్ను ప్రారంభించుకున్న ఈ సినిమాలో సామ్ గర్భవతి పాత్రలో నటించనుందని సమాచారం. వరలక్ష్మీ శరత్కుమార్, ఉన్ని ముకుందన్, రావు రమేశ్, మురళీ శర్మ, సంపత్ రాజ్ తదితరులు కీలక పాత్రలు పోషించారు. హరి, హరీశ్ దర్శకులు. ఈ మూవీని తెలుగుతో పాటు తమిళ, మలయాళ, కన్నడ భాషల్లో విడుదల చేయడానికి ప్లాన్ చేస్తున్నారు. మణిశర్మ సంగీతం అందిస్తున్నారు.
ఇదీ చదవండి: 'బీస్ట్' సెకండ్ సింగిల్.. 'భీమ్లానాయక్' హాట్స్టార్ ట్రైలర్
