యువ కథానాయిక సమంత.. బయోపిక్లో నటిస్తుందా? అంటే.. అవుననే అంటున్నాయి సినీ వర్గాలు. దర్శకుడు సింగీతం శ్రీనివాసరావు ఓ సినిమా తెరకెక్కిస్తున్నట్లు వార్తలొస్తున్నాయి. కర్ణాటకకు చెందిన ప్రముఖ గాయని, కళాకారిణి నాగరత్నమ్మ జీవితగాథను వెండితెరపై ఆవిష్కరించే ఆలోచనలో ఉన్నారట సింగీతం.
భరతనాట్యం, కర్ణాటక సంగీతం అంతరించకుండా ఉండేందుకు ఎనలేని సేవ చేసిన రత్నమ్మ బాల్యం, సంగీత ప్రయాణం సినీ అభిమానులకు చూపించేందుకు సన్నాహాలు జరుగుతున్నాయి. రత్నమ్మ పాత్రలో సమంత అయితే బాగుంటుందని, ఈ మేరకు ఆమెతో చర్చలు జరిపారని టాక్‌. పాత్ర నచ్చితే చాలు ఎలాంటి సినిమాకైనా ఓకే చెప్పే సామ్ ఈ బయోపిక్‌కు పచ్చజెండా ఊపే అవకాశాలున్నాయని తెలుస్తోంది. దీనిపై త్వరలోనే స్పష్టత రానుంది.
