సల్మాన్ నటించిన 'రాధే' చిత్రం రివ్యూ ఇచ్చిన కమాల్ ఆర్.ఖాన్ అనే వ్యక్తిపై ముంబయి కోర్టులో పరువు నష్టం కేసు దాఖలైంది. ఇదే విషయంపై సల్మాన్ ఖాన్ లీగల్ టీమ్ స్పష్టత ఇచ్చింది. కమాల్ ఆర్.ఖాన్పై రివ్యూ ఇచ్చినందున పరువు నష్టం దావా వేయాలేదని.. దాని వెనుక కారణం వేరే ఉందని తెలిపింది. కానీ, సదరు వ్యక్తి ఆ కారణాన్ని చెప్పకుండా దాటవేస్తున్నాడని ఆరోపించింది.
"సల్మాన్ ఖాన్ తనపై పరువునష్టం దావా వేశారని ఆరోపిస్తూ కమాల్ ఆర్.ఖాన్ అనే వ్యక్తి వరుస ట్వీట్లు చేశారు. 'రాధే' చిత్రానికి రివ్యూ ఇచ్చిన కారణంగా తనపై ఈ కేసును నమోదు చేసినట్లు పేర్కొన్నారు. కానీ, అది నిజం కాదు. సల్మాన్ ఖాన్ అవినీతి పరుడని, ఆయన బ్రాండ్ 'బీయింగ్ హ్యూమన్' ఒక మోసమని.. ఆ సంస్థ ద్వారా మనీలాండరింగ్ లావాదేవీలకు పాల్పడ్డారని ఆయన ఆరోపించారు. ఈ విధంగా సల్మాన్ ఖాన్పై అసత్యాలను ప్రచారం చేయడం వల్ల అతడిపై పరువు నష్టం దావా వేయాల్సివచ్చింది".
- సల్మాన్ఖాన్ లీగల్ టీమ్
అసలేం జరిగిందంటే?
'రాధే' చిత్రానికి రివ్యూ ఇచ్చిన కమాల్ ఆర్.ఖాన్ అనే వ్యక్తిపై హీరో సల్మాన్ ఖాన్ లీగల్ టీమ్ కోర్టును ఆశ్రయించింది. ముంబయి సిటీ కోర్టులో పరువు నష్టం దావా కేసు నమోదు చేసి సదరు వ్యక్తికి నోటీసులు పంపింది. ఇదే విషయాన్ని కమాల్ ఆర్.ఖాన్ తన ట్విట్టర్లో వెల్లడించారు. 'రాధే' సినిమా రివ్యూ వ్యవహారమై ఇదంతా చేశారని ఆయన పేర్కొన్నారు.
ఈ చిత్రానికి ప్రభుదేవా దర్శకత్వం వహించగా సల్మాన్ ఖాన్, సోహైల్ ఖాన్, రీల్ లైఫ్ ప్రొడక్షన్స్ నిర్మించాయి. దిశా పటానీ, రణ్దీప్ హుడా, జాకీ ష్రాఫ్ కీలక పాత్రలు పోషించారు. మే 13 ఈ సినిమా జీఫ్లెక్స్ వేదికగా పే పర్ వ్యూ పద్దతిలో ప్రేక్షకుల ముందుకొచ్చిందీ చిత్రం.
ఇదీ చూడండి: 'రాధే' చిత్ర సమీక్షకునికి సల్మాన్ లీగల్ నోటీసులు!
