అల్లు అర్జున్కు బాలీవుడ్‌ కండల వీరుడు సల్మాన్ఖాన్ థ్యాంక్స్ చెప్పారు. సల్మాన్ 'రాధే'లో 'దువ్వాడ జగన్నాథం'లోని ‘సీటీమార్’ పాటను రీక్రియేట్‌ చేశారు. ఈ వీడియో సాంగ్‌ను సోమవారం విడుదల చేశారు. ప్రస్తుతం ఈ పాట ఎంతగానో ఆకట్టుకుంటోంది. ఈ సందర్భంగా బన్నీని ప్రశంసిస్తూ సల్మాన్ ఓ ట్వీట్ పెట్టారు. "సీటీమార్' సాంగ్‌ మాకు అందించినందుకు థ్యాంక్స్ బన్నీ. డీజే సినిమాలోని ఈ పాటలో నీ డ్యాన్స్‌, స్టైల్‌ నాకు ఎంతగానో నచ్చాయి. ఒక్కమాటలో చెప్పాలంటే నువ్వు సూపర్‌. లవ్‌ యూ బ్రదర్‌' అని సల్మాన్ ట్వీట్ చేశారు.
ప్రభుదేవా దర్శకత్వం వహించిన ఈ యాక్షన్‌ ఎంటర్‌టైనర్‌లో సల్మాన్ఖాన్ పోలీసు అధికారిగా కనిపించనున్నారు. దిశాపటానీ హీరోయిన్. దేవిశ్రీ ప్రసాద్‌ స్వరాలు అందించారు. మరోవైపు 'డీజే' కోసం దేవిశ్రీ స్వరపరిచిన ఆ బాణీని 'రాధే' కోసం తిరిగి సృష్టించాలని కథానాయకుడు సల్మాన్ వ్యక్తిగతంగా కోరారట.
- " class="align-text-top noRightClick twitterSection" data="">
