Salman Khan: బాలీవుడ్ కండలవీరుడు సల్మాన్ ఖాన్.. తాను సింగిల్గా లేనని చెబుతున్నారు! గతంలో ఐశ్వర్య రాయ్, కత్రినా కైఫ్లతో భాయ్ రిలేషన్షిప్లో ఉన్నారంటూ రూమర్లు వచ్చినా అవేవీ పెళ్లి పీటల వరకు వెళ్లలేదు. ఐదు పదుల వయసులోనూ పెళ్లి దూరంగా ఉన్న ఆయన.. కత్రినా కైఫ్-విక్కీ కౌశల్ వివాహంపై ఇటీవలే స్పందించారు. తాను వ్యాఖ్యాతగా వ్యవహరిస్తోన్న 'బిగ్బాస్ 15' సీజన్ ఫినాలే సందర్భంగా ఆసక్తికర వ్యాఖ్యలు చేశారు.
ఈ కార్యక్రమానికి నటి, మోడల్ షెహనాజ్ గిల్ అతిథిగా వచ్చారు. ఆమె గతంలో బిగ్బాస్కి కంటెస్టెంట్గా కూడా వచ్చారు. షెహనాజ్ను పలువురు 'పంజాబ్ కత్రినా' అంటూ పిలిచేవారు. దీంతో ఈ షోకు వచ్చిన సందర్భంగా.. "నేను బిగ్బాస్కి వచ్చాక.. పంజాబ్ కత్రినా కాస్తా.. ఇండియా షెహనాజ్ అయిపోయింది. ఎందుకంటే పెళ్లి తర్వాత ఇండియా కత్రినా కాస్తా.. పంజాబ్ కత్రినా అయిపోయింది" అంటూ సరదాగా వ్యాఖ్యానించింది.
దీనిపై స్పందిస్తూ.. 'అవును పెళ్లితో కత్రినా-విక్కీ సంతోషంగా ఉన్నార'ని సల్మాన్ అన్నారు. వెంటనే 'మీరు కూడా సంతోషంగా ఉండండి సర్' అనేసింది షెహనాజ్. అయినా సింగిల్గా ఉంటేనే ఎంతో బాగుంటుంది అని కూడా అంది. దానికి.. 'నిజంగా సింగిల్గా ఉంటే ఇంకా బాగుండేది' అని బదులిచ్చారు సల్మాన్. 'అయితే రిలేషన్షిప్లో ఉన్నారా?' అని ఆమె అడగగా.. నవ్వేసి ఊరుకున్నారు భాయ్.
- " class="align-text-top noRightClick twitterSection" data="
">
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇవీ చూడండి:
సల్మాన్ బర్త్డేకు రూ.కోట్లలో కానుకలు.. కత్రినా ఏమిచ్చిందంటే?
