మంచు, మెగా కుటుంబాలకు చెందిన హీరోలు కలిసి నటిస్తే చూడాలనుకునే సినీ ప్రియుల ఆశ త్వరలోనే నెరవేరేలా కనిపిస్తోంది. మంచు మనోజ్, సాయిధరమ్ తేజ్ కలిసి వెండితెరపై సందడి చేయనున్నారని సమాచారం.
కొన్నేళ్ల విరామం తర్వాత మనోజ్ ప్రధాన పాత్రలో నటిస్తున్న చిత్రం 'అహం బ్రహ్మాస్మి'. శ్రీకాంత్‌ ఎన్‌.రెడ్డి దర్శకత్వం వహిస్తున్న ఈ సినిమాలో మనోజ్ విభిన్నమైన లుక్‌లో కనిపించనున్నారు. ప్రస్తుతం చిత్రీకరణ దశలో ఉన్న ఈ సినిమాలో హీరో సాయిధరమ్ తేజ్ ఓ అతిథి పాత్రలో మెప్పించనున్నట్లు వార్తలు వస్తున్నాయి. ఎన్నో సంవత్సరాల నుంచి మనోజ్‌తో స్నేహం ఉండడం వల్ల ఆయన అడిగిన వెంటనే సినిమాలో నటించేందుకు సాయి ఓకే చెప్పినట్లు తెలుస్తోంది.
చిరు-మోహన్‌బాబు కలిసి నటించిన 'బిల్లారంగా'ను మనోజ్, సాయిధరమ్ తేజ్ రీమేక్‌ చేయనున్నారంటూ గతంలో వార్తలు వచ్చాయి.
ఇదీ చూడండి: రెండో పెళ్లి గురించి మనోజ్ క్రేజీ ట్వీట్
