బాలీవుడ్ గాయని లీనా బోస్కు కరోనా సోకింది. ప్రస్తుతం కోల్కతాలోని తన నివాసంలో హోమ్ క్వారంటైన్లో ఉంటున్నట్లు తెలిపిందీ సింగర్. 'సడక్ 2' చిత్రంలో అంకిత్ తివారీతో కలిసి 'తమ్ సే హాయ్' అనే రొమాంటిక్ హిట్ సాంగ్ పాడింది. దీంతో ఇటీవల కాలంలో వార్తల్లో ప్రధాన ఆకర్షణగా నిలిచింది.
"ఇటీవలే నేను పాడిన సాంగ్ రిలీజ్ అయింది. ఈ క్రమంలోనే జాగ్రత్తలన్నీ పాటిస్తూ అనేక ఇంటర్వ్యూలు ఇచ్చా. దురదృష్టవశాత్తు ఒక రోజు నేను ఇంటికి రాగానే.. ఆరోగ్యం సన్నగిల్లింది. వైరల్ ఫీవర్ అయ్యుంటుందిలే అని విశ్రాంతి తీసుకున్నా. కానీ కొన్ని రోజుల తర్వాత మరింత ఎక్కువయింది. వెంటనే కరోనా పరీక్షలు చేయించుకోగా.. పాజిటివ్ తేలింది."
-లీనా బోస్, బాలీవుడ్ సింగర్
తన కుటుంబ సభ్యులు కూడా టెస్టులు చేయించుకోనున్నట్లు లీనా తెలిపింది. ప్రస్తుతం తన ఆరోగ్యం బాగానే ఉందని.. వైద్యుల సూచన మేరకు చికిత్స తీసుకుంటున్నట్లు పేర్కొంది.
