శర్వానంద్​ 'మహా సముద్రం'లోకి దిగుతాడా!

విభిన్న కథలతో అలరిస్తున్న శర్వానంద్.. మాస్​ సినిమాల్లో అంతగా రాణించలేకపోతున్నాడు. అయినా సరే ఇప్పుడు అలాంటి​ చిత్రంలోనే నటించాలని నిర్ణయించుకున్నాడట. అజయ్​ భూపతి దర్శకత్వంలో 'మహా సముద్రం' అనే యాక్షన్​ సినిమా చేస్తున్నట్లు ప్రచారం సాగుతోంది. ఈ విషయంపై అధికారిక ప్రకటన రావాల్సి ఉంది.

ప్రేమకథల్లో చక్కగా ఒదిగిపోయే శర్వానంద్​కు మాస్​ సినిమాలు అంతగా అచ్చిరాలేదు. ఈ ఏడాది 'రణరంగం'తో ఈ తరహా ప్రయత్నమే చేసి, చేదు అనుభవాన్ని పొందాడు. ఇప్పుడు అజయ్​ భూపతి దర్శకత్వంలో మరోసారి యాక్షన్ సినిమాలో నటించేందుకు సిద్ధమవుతున్నాడు. 'ఆర్​ఎక్స్​100'తో దర్శకుడిగా అందరి దృష్టినీ ఆకర్షించిన అజయ్​పై భారీ అంచనాలు పెట్టుకున్నాడీ కథానాయకుడు.

వారెవరూ గ్రీన్​ సిగ్నల్​ ఇవ్వలేదు
'మహా సముద్రం' కథను అజయ్​ ఇప్పటికే రవితేజ, నాగచైతన్య, కార్తికేయలకు వినిపించాడు. కానీ, వారెవరూ అందుకు గ్రీన్​ సిగ్నల్​ ఇవ్వలేదు. ఫలితంగా ఈ కథ శర్వానంద్ వద్దకు చేరిందట.

మరో హీరో ఎవరు..?
ఈ చిత్రంలో శర్వాతో పాటు మరో హీరోకి ఛాన్స్​ ఉంటుంది. శర్వానంద్​ ఓకే అంటే మరో కథానాయకుడి పాత్రను ఎవరు చేస్తారన్నది ఆసక్తికర అంశం. మరి ఈ హీరో చేయనున్న సాహసం ఫలిస్తుందా? లేదా? అన్నది తెలియాలంటే ఈ ప్రాజెక్టుపై స్పష్టత రావాల్సిందే. ప్రస్తుతం శర్వానంద్​ '96' రీమేక్​తో పాటు 'శ్రీకారం' అనే మరో సినిమా చేస్తున్నాడు.