RRR Trailer Launch: మెగా పవర్స్టార్ రామ్చరణ్- జూనియర్ ఎన్టీఆర్ ప్రధాన పాత్రల్లో దర్శకధీరుడు రాజమౌళి తెరకెక్కించిన భారీ యాక్షన్ ఎంటర్టైనర్ 'ఆర్ఆర్ఆర్'. సంక్రాంతి కానుకగా వచ్చే ఏడాది ప్రేక్షకుల ముందుకు రానుంది ఈ చిత్రం. ఈ సందర్భంగా గురువారం ముంబయి వేదికగా సినిమా ట్రైలర్ను విడుదల చేసింది చిత్రబృందం. ఈ నేపథ్యంలో మాట్లాడిన రాజమౌళి పలు ఆసక్తికరమైన వ్యాఖ్యలు చేశారు.
ఒకవేళ హాలీవుడ్ ఛాన్స్ వస్తే ఏం చేస్తారు? అని అడగ్గా.. రాజమౌళి ఆసక్తికరంగా సమాధానం ఇచ్చారు. 'నిజం చెప్పాలంటే నేను అసలు హాలీవుడ్ అవకాశాలనే స్వీకరించను. నాకు భారతీయ చిత్రాలు తీయడమంటేనే ఇష్టం. ఒకవేళ ఇతర ఇండస్ట్రీ వాళ్లు నాకు సినిమా ఆఫర్ ఇచ్చినా నేను భారతీయ కథాంశం ఉన్న సినిమానే తీస్తాను.' అని జక్కన్న చెప్పారు.
బాలీవుడ్, దక్షిణాది ఇండస్ట్రీల మధ్య ఉన్న అనుబంధంపై కూడా రాజమౌళి మాట్లాడారు. 'ఉత్తరాది నటులు మాత్రమే బాలీవుడ్లో చేయాలి. దక్షిణాది నటులు మాత్రమే సౌత్ ఇండస్ట్రీలో చేయాలనే మాటల్లో అర్థం లేదు. నటనకు బాషతో పనిలేదు. చాలా మంది నటులు కొత్త పాత్రల్లో నటించాలని అనుకుంటారు. ఇతర బాషల్లో నటించడం ఛాలెంజింగ్గా భావిస్తారు. భవిష్యత్తులో విభిన్న నటుల కలయికతో మరిన్ని చిత్రాలు వస్తాయి.' అని రాజమౌళి తెలిపారు.
కాగా, ఆర్ఆర్ఆర్ చిత్రంలో బాలీవుడ్, హాలీవుడ్ నటులు కూడా ఉన్నారు. ఈ చిత్రం తెలుగు, మలయాళం, కన్నడ, తమిళ్, హిందీ సహా విదేశీ బాషల్లోనూ విడుదలవుతోంది. బాలీవుడ్కు చెందిన పెన్ స్టూడియోస్ ఈ చిత్ర హిందీ రైట్స్ను సొంతం చేసుకుంది.
దర్శకుడు రాజమౌళి, తారక్, బాలీవుడ్ నటుడు అజయ్ దేవ్గణ్, నటి ఆలియా బట్ ట్రైలర్ విడుదల కార్యక్రమానికి హాజరయ్యారు. రామ్చరణ్ కొన్ని వ్యక్తిగత కారణాల వల్ల ఈ కార్యక్రమానికి రాలేకపోయారు.
ఇదీ చదవండి:
