'ఆర్ఆర్ఆర్' టీమ్​తో భళ్లాలదేవ.. ధనుష్ తెలుగు సినిమా అప్డేట్​

సినీ అప్డేట్స్ వచ్చేశాయి. ఇందులో ఆర్ఆర్ఆర్ టీమ్​తో రానా ఫొటో, ధనుష్ తెలుగు సినిమా టైటిల్, భళా తందనాన చిత్రాల గురించిన కొత్త సంగతులు ఉన్నాయి.

RRR movie: సినిమా ప్రచారంలో భాగంగా 'ఆర్ఆర్ఆర్' టీమ్ ముంబయిలో ఉంది. స్టార్ హీరో రానా.. డైరెక్టర్ రాజమౌళి, హీరోలు రామ్​చరణ్, ఎన్టీఆర్​లతో తీసుకున్న ఫొటోను ట్వీట్ చేశారు. రానా.. ఈ ముగ్గురిని ఇంటర్వ్యూ చేశారని, అది త్వరలో రిలీజ్ కానుందని చిత్రబృందం వెల్లడించింది.

ఆర్ఆర్ఆర్ టీమ్​తో రానా

అల్లూరి సీతారామరాజుగా చరణ్, కొమరం భీమ్​గా ఎన్టీఆర్ నటించిన 'ఆర్ఆర్ఆర్'.. జనవరి 7న ప్రేక్షకుల ముందుకు రానుంది. ఆలియా భట్, ఒలీవియా మోరిస్ హీరోయిన్లు. అజయ్ దేవ్​గణ్ కీలకపాత్ర పోషించారు. కీరవాణి సంగీతమందించారు. డీవీవీ దానయ్య రూ.450 కోట్లతో ఈ సినిమాను నిర్మించారు.

Dhanush telugu movie: తమిళ హీరో ధనుష్.. తెలుగులో నేరుగా రెండు సినిమాలు చేస్తున్నారు. అందులోని వెంకీ అట్లూరి దర్శకత్వం వహిస్తున్న చిత్రం నుంచి అప్డేట్ వచ్చేసింది. ఈ సినిమా టైటిల్​ లుక్​ను గురువారం ఉదయం 9:36 గంటలకు రిలీజ్ చేయనున్నట్లు వెల్లడించారు.

ధనుష్ తెలుగు మూవీ

ఈ సినిమా తెలుగు-తమిళ భాషల్లో రిలీజ్ కానుంది. మరోవైపు శేఖర్​ కమ్ములతోనూ ధనుష్ సినిమా చేయనున్నారు.

*శ్రీవిష్ణు హీరోగా నటించిన 'భళా తందనాన' షూటింగ్ పూర్తయింది. ఈ విషయాన్ని చెబుతూ, ఫస్ట్​లుక్​ కూడా విడుదల చేసింది. ఇందులో శ్రీవిష్ణు గన్ పట్టుకుని నిల్చుని ఉన్నారు.

శ్రీవిష్ణు కొత్త సినిమా ఫస్ట్​లుక్

ఈ సినిమాలో కేథరిన్ హీరోయిన్. మణిశర్మ సంగీతమందించారు. చైతన్య దంతులూరి దర్శకత్వం వహిస్తున్నారు. వారాహి చలనచిత్రం ఈ చిత్రాన్ని నిర్మిస్తుంది.

.

ఇవీ చదవండి: