Hariharaveeramallu movie: ఇటీవలే 'భీమ్లానాయక్'తో సూపర్హిట్ అందుకున్నారు పవర్స్టార్ పవన్కల్యాణ్. ఇప్పుడు తన తదుపరి చిత్రం 'హరిహర వీరమల్లు' బ్యాలెన్స్ షూట్ కోసం సిద్ధం అవుతున్నారు. ఈ చిత్రానికి సంబంధించిన కొత్త షెడ్యూల్ ప్రారంభంకానుంది. దీనికోసం కొన్ని భారీ సెట్లను తీర్చిదిద్దుతున్నారు. లెజెండరీ ఆర్ట్ డైరెక్టర్ తోట థరణి ఆధ్వర్యంలో ఈ సెట్స్ నిర్మాణం జరుగుతోంది. ఈ విషయాన్ని తెలియజేస్తూ చిత్రబృందం ట్వీట్ చేసింది. పవన్, తోటథరణి కలిసి ముచ్చటిస్తున్న ఫొటోను పోస్ట్ చేసింది. ఇక ఈ మూవీకి క్రిష్ దర్శకత్వం వహిస్తుండగా.. నిధి అగర్వాల్ హీరోయిన్గా నటిస్తోంది. కీరవాణి సంగీతం అందిస్తున్నారు. పాన్ఇండియా స్థాయితో ఈ చిత్రాన్ని తెరకెక్కిస్తున్నారు.
Mahesh Trivikram movie: సూపర్స్టార్ మహేశ్బాబు-దర్శకుడు త్రివిక్రమ్ కలయికలో రాబోతున్న సినిమా గురించి ఓ ఆసక్తికర వార్త బయటకు వచ్చింది. ఇటీవలే ఈ సినిమాలో మలయాళ స్టార్ మోహన్లాల్ నటిస్తున్నారని ప్రచారం సాగగా.. ఇప్పుడు ఆ పాత్రలో మరో హీరో పేరు వినిపిస్తోంది. కన్నడ సూపర్ స్టార్ ఉపేంద్ర నటిస్తున్నారని వినికిడి. మహేశ్కు అన్నయ్యగా ఆయన కనిపించనున్నారట. త్వరలోనే దీనిపై స్పష్టత రానుంది. ఇక ఈ మూవీలో హీరోయిన్గా పూజాహెగ్డే నటించనుంది. ఏప్రిల్ నుంచి షూటింగ్ ప్రారంభించాలని మేకర్స్ ప్లాన్ చేస్తున్నారు. అంతకుముందు త్రివిక్రమ్ దర్శకత్వంలో వచ్చిన 'సన్ ఆఫ్ సత్యమూర్తి' సినిమాలోనూ ఉపేంద్ర కీలక పాత్ర పోషించారు.
RRR movie overseas collections: రాజమౌళి దర్శకత్వంలో ఎన్టీఆర్, రామ్చరణ్ ప్రధాన పాత్రల్లో నటించిన 'ఆర్ఆర్ఆర్' బాక్సాఫీస్ ముందు రికార్డులు సృష్టిస్తోంది. విడుదలైన మూడు రోజుల్లోనే ప్రపంచవ్యాప్తంగా రూ.500కోట్లకు పైగా వసూలు చేసి సరికొత్త బెంచ్ మార్క్ను సెట్ చేసింది. ఓవర్సీస్లో రూ.122కోట్ల గ్రాస్ కలెక్ట్ చేసినట్లు అక్కడి డిస్ట్రిబ్యూటర్ ఫార్స్ఫిల్మ్ సోషల్మీడియా ద్వారా ట్వీట్ చేసింది. ఇక ఈ సినిమాలో అజయ్దేవగణ్, ఆలియా భట్, శ్రియ కీలక పాత్రలు పోషించారు.
KGF 2 trailer records: కన్నడ రాకింగ్ స్టార్ యశ్ నటించిన 'కేజీఎఫ్ 2' ట్రైలర్ కూడా సోషల్మీడియాలో రికార్డులు సృష్టిస్తోంది. విడుదలైన 24గంటల్లోనే అన్ని భాషల్లో కలిపి 109మిలియన్లకు పైగా వ్యూస్ను దక్కించుకుంది. హిందీ(51మిలియన్లు), తెలుగు(20),కన్నడ(18), తమిళం(12), మలయాళం (8) మిలియన్ వ్యూస్ వచ్చాయి. ప్రశాంత్ నీల్ దర్శకత్వం వహించిన ఈ సినిమా ఏప్రిల్ 14న ప్రపంచవ్యాప్తంగా థియేటర్లలో విడుదల కానుంది.
ఇదీ చూడండి: ఒక్కో ఇన్స్టా పోస్ట్కు సమంత సంపాదన ఎంతంటే?
