RRR in 3D: ప్రపంచవ్యాప్తంగా తెలుగు ప్రేక్షకులు నాలుగేళ్లుగా ఎదురుచూస్తోన్న సినిమా 'ఆర్ఆర్ఆర్'. ఇప్పటికే పలుమార్లు వాయిదా పడుతూ వచ్చిన ఈ చిత్రం.. ఎట్టకేలకు ఈనెల 25న భారీ స్థాయిలో విడుదల కాబోతుంది. అయితే ఈ సినిమాకు సంబంధించి ప్రేక్షకులకు రాజమౌళి ఊహించని సర్ ప్రైజ్ ఇవ్వబోతున్నారు. కరోనా వల్ల దొరికిన సమయాన్ని సద్వినియోగం చేసుకొని 'ఆర్ఆర్ఆర్'ను 3డీ రూపంలోనూ తీర్చిదిద్దారు. మార్చి 25 నుంచి 3డీలో ప్రదర్శించేందుకు అనుకూలంగా ఉన్న థియేటర్లలో 'ఆర్ఆర్ఆర్'ను 3డీలో అనుభూతి చెందవచ్చని రాజమౌళి తెలిపారు.
టికెట్ రేట్ రెండింతలు?
ఇప్పటికే 'ఆర్ఆర్ఆర్'ను ఐమాక్స్, డాల్బీ ఫార్మాట్లో సిద్ధం చేసిన జక్కన్న.. గత 3డీ చిత్రాల తరహాలో కాకుండా అత్యాధునిక సాంకేతికతతో 'ఆర్ఆర్ఆర్'ను మలిచారు. అయితే 3డీలో 'ఆర్ఆర్ఆర్' చూడాలంటే సాధారణ థియేటర్లో టికెట్ కంటే రెండు రెట్లు అధికంగానే టికెట్ ధరలు ఉంటాయని తెలుస్తోంది.
రూ.450 కోట్ల భారీ బడ్జెట్తో తెరకెక్కిన ఈ సినిమాలో రామ్చరణ్ అల్లూరి సీతారామరాజుగా, ఎన్టీఆర్ కొమురం భీమ్గా నటించారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్గణ్, సముద్రఖని, శ్రియ తదితరులు కీలకపాత్రలు పోషించారు. కీరవాణి సంగీతమందించారు. డీవీవీ దానయ్య నిర్మాత.
- " class="align-text-top noRightClick twitterSection" data="">
ఇదీ చూడండి: RRR: 'ఆర్ఆర్ఆర్' 'ఎత్తర జెండా' వీడియో సాంగ్‌ వచ్చేసింది
