పేదింటి బిడ్డకు పెద్ద జబ్బు ఆదుకోండి ప్లీజ్ అని ఈటీవీ భారత్లో సెప్టెంబర్ 26న ప్రచురితమైన కథనానికి సినీనటుడు సోనూసూద్ స్పందించారు. వైద్యానికి అయ్యే ఖర్చంతా తాను అందిస్తానని భరోసాను ఇచ్చినట్లు బాధితుని తండ్రి తెలిపారు.
మహబూబాబాద్ జిల్లా డోర్నకల్ మండలం పెరుమాండ్ల సంకీస గ్రామానికి చెందిన దేశ బోయిన నాగరాజు, శ్రీ లక్ష్మి దంపతులకు ఇద్దరు పిల్లలు... కుమార్తె, కుమారుడు. కొడుకు హర్షవర్ధన్ ఆరునెలల వయసు నుంచే అనారోగ్యానికి గురయ్యాడు. స్థానికంగా తగ్గకపోవడం వల్ల హైదరాబాద్ లోని ఓ పెద్ద ఆసుపత్రిలో చూపించారు.
రూ. 20 లక్షల వరకు..
అక్కడ అన్ని రకాల పరీక్షలు నిర్వహించిన డాక్టర్లు లివర్ మార్చాలని, రూ. 20 లక్షల వరకు ఖర్చు అవుతుందని తెలిపారు. నాగరాజు మహబూబాబాద్ ఆర్టీసీ డ్రైవర్గా పని చేస్తున్నాడు. అంత పెద్ద మొత్తంలో వెచ్చించే పరిస్థితి లేకపోవడం వల్ల ఆపన్నహస్తం కోసం ఎదురు చూస్తున్నాడు. ఇలాంటి పరిస్థితుల్లో సోనూసూద్ దేవుడిలా కనిపించి ఆపన్న హస్తం అందించారు.
ఇదీ చూడండి: రైతన్నను కాపాడుకునే విషయంలో దేవునితోనైనా కొట్లాటకు సిద్ధం: సీఎం
