అగ్రకథానాయకుడు రానా తన జీవితంలోని అత్యంత కఠిన ఆరోగ్య పరిస్థితుల గురించి చెప్పారు. ఇటీవల ఓ పాడ్కాస్ట్ ఇంటర్వ్యూలో మాట్లాడుతూ ఆసక్తికర విషయాల్ని పంచుకున్నారు. 'అవెంజర్స్: ఇన్ఫినిటీ వార్' తెలుగు వెర్షన్లో థానోస్కు డబ్బింగ్ చెప్పడం మనసుకు ఎలా తెరిపినిచ్చిందో వెల్లడించారు.
గతంలో ఓసారి అమెరికాలో ఉన్నప్పుడు తన బీపీ గురించి వైద్యులు చెప్పారని రానా అన్నారు. కొన్ని అవయవాలు కూడా విఫలమవుతాయని చెప్పినట్లు వెల్లడించారు. ఆ విషయాన్ని తీసుకోవడానికే చాలా సమయం పట్టిందని తెలిపారు.
అనంతరం రెండు రోజులకు 'అవెంజర్స్: ఇన్ఫినిటీ వార్' చూసేందుకు థియేటర్కు రానా వెళ్లారు. ఈ చిత్రం తెలుగు వెర్షన్లో థానోస్ పాత్రకు తాను డబ్బింగ్ చెప్పానని, అతడు సూపర్ విలన్ అని భావించినట్లు అన్నారు. అయితే సినిమా చివర్లో అన్ని పాత్రలు మరణించినా సరే థానోస్ మాత్రమే బ్రతికే ఉంటుందని, ఆ విషయమే తనలో సానుకూల దృక్పథాన్ని తీసుకొచ్చిందని అన్నారు.
ప్రస్తుతం 'విరాటపర్వం', 'అరణ్య'(హాథీ మేరి సాథీ), అయ్యప్పనుమ్ కోశియమ్ రీమేక్లో పవన్ కల్యాణ్తో కలిసి రానా నటిస్తున్నారు.
