'ఆర్​ఆర్​ఆర్'​ సక్సెస్​పై రామ్​చరణ్​ ట్వీట్​.. ఓటీటీలో 'వలిమై' రికార్డు

Ramcharan Thanks for RRR movie success: 'ఆర్​ఆర్​ఆర్'​ చిత్రాన్ని ఆదరిస్తున్న ప్రేక్షక దేవుళ్లకు హృదయపూర్వక ధన్యవాదాలు తెలిపారు హీరో రామ్​చరణ్​. ఈ విజయాన్ని తన పుట్టినరోజు బహుమతిగా స్వీకరిస్తున్నట్లు పేర్కొన్నారు. మరోవైపు, ఇటీవలే ఓటీటీలో విడుదలైన అజిత్​ 'వలిమై' రికార్డులు సృష్టిస్తోంది.

Ramcharan Thanks for RRR movie success: మెగాపవర్​స్టార్​ రామ్​చరణ్​ తమ అభిమానులకు, ప్రేక్షకులకు ధన్యవాదాలు తెలిపారు. ఎన్టీఆర్​తో కలిసి తాను హీరోగా నటించిన 'ఆర్​ఆర్​ఆర్'​ శుక్రవారం థియేటర్లలో విడుదలై సూపర్​హిట్​ టాక్​తో దూసుకెళ్తోంది. టాలీవుడ్, బాలీవుడ్​ ఇలా అన్ని చిత్రసీమల్లోనూ రికార్డు వసూళ్లను అందుకుంటోంది. క్రిటిక్స్ సైతం సినిమాపై ప్రశంసలు కురిపిస్తున్నారు. ఓవర్సీస్​లో కూడా ఈ చిత్రం హిట్​ టాక్​ను సొంతం చేసుకుని రికార్డులు సృష్టిస్టోంది. దీంతో ఫ్యాన్స్​ సంబరాలు చేసుకుంటున్నారు. ఈ నేపథ్యంలో దీనిపై స్పందించిన చరణ్​.. చిత్రం భారీ విజయం సాధించడానికి కారణమైన అభిమానులకు , సినీప్రేక్షకులకు సోషల్​మీడియా వేదికగా ధన్యవాదాలు తెలిపారు. "రాజమౌళి 'ఆర్​ఆర్​ఆర్'​ సినిమా పట్ల మీరు చూపిస్తున్న అసమాన ప్రేమ, ఆదరణకు నా ధన్యవాదాలు. ఎంతో ఉత్సుకతతో థియేటర్లో చిత్రాన్ని చూసిన ప్రతిఒక్కరికీ నా హృదయపూర్వక కృతజ్ఞతలు. ఈ విజయాన్ని నా పుట్టినరోజు బహుమతిగా వినయపూర్వకంగా స్వీకరిస్తున్నాను." అని చరణ్​ ట్వీట్​ చేశారు. ఈ ట్వీట్ చూసిన అభిమానులు రామ్ చరణ్‌కు పుట్టినరోజు శుభాకాంక్షలు తెలియజేస్తూ సోషల్​మీడియాలో ట్రెండింగ్​ చేస్తున్నారు. అంతకుముందు హీరో ఎన్టీఆర్​ కూడా ప్రేక్షకులకు కృతజ్ఞతలు తెలిపారు. "మీ వెలకట్టలేని ప్రేమాభిమానాలకు ధన్యవాదాలు​. అవే నన్ను మరింత ముందుకు తీసుకెళ్తాయి. విజువల్​ వండర్​ 'ఆర్​ఆర్​ఆర్'​ సినిమాను చూసి ఆస్వాదించండి" అని తారక్​ ట్వీట్​ చేశారు. కాగా, రూ.450కోట్ల బడ్జెట్​తో తెరకెక్కిన 'ఆర్​ఆర్​ఆర్'​లో తారక్​, చరణ్​తో పాటు అజయ్​ దేవగణ్​, ఆలియాభట్​, శ్రియ కీలక పాత్రలు పోషించారు. కీరవాణి సంగీతమందించారు. డీవీవీ దానయ్య మూవీని నిర్మించారు.

• Thank You 🙏🙏 pic.twitter.com/689w1QMl2w

  — Ram Charan (@AlwaysRamCharan) March 26, 2022 " class="align-text-top noRightClick twitterSection" data="

  Thank You 🙏🙏 pic.twitter.com/689w1QMl2w

  — Ram Charan (@AlwaysRamCharan) March 26, 2022

  ">

  Thank You 🙏🙏 pic.twitter.com/689w1QMl2w

  — Ram Charan (@AlwaysRamCharan) March 26, 2022

Ajith valimai ott records: కోలీవుడ్‌ ప్రముఖ నటుడు అజిత్‌ హీరోగా నటించిన చిత్రం 'వలిమై'. హెచ్‌.వినోద్‌ దర్శకుడు. హ్యుమా ఖురేషి కథానాయిక. టాలీవుడ్‌ నటుడు కార్తికేయ విలన్‌గా నటించారు. ఈ క్రేజీ ప్రాజెక్ట్​ ఇటీవలే థియేటర్లో విడుదలై సూపర్​హిట్​ టాక్​ను అందుకుంది. ఇప్పుడీ సినిమా ఓటీటీ ప్లాట్​ఫాం జీ5లోనూ విశేష ఆదరణను సొంతం చేసుకుంది. విడుదలైన 24 గంటల్లోనే 100మిలియన్ల నిమిషాలు స్ట్రీమింగ్​ అయి రికార్డు సృష్టించింది. ఈ విషయాన్ని జీ5 ట్విట్టర్​ వేదికగా తెలిపింది.

వలిమై

ఇదీ చూడండి: 'పుష్ప 2'లోనూ సమంత.. ఈ సారి ఆ పాత్రలో!