Ram charan shankar movie: ఓ రచయిత కథ రాస్తే, దానిని దర్శకుడు అద్భుతంగా తెరకెక్కిస్తున్నారు. అయితే రామ్చరణ్ కొత్త సినిమాకు మాత్రం ఓ స్టార్ డైరెక్టర్ కథ రాయగా, మరో స్టార్ డైరెక్టర్ దానిని తీస్తున్నారు. ఈ విషయాన్ని సదరు దర్శకుడు కార్తిక్ సుబ్బరాజ్ స్వయంగా వెల్లడించారు.
రామ్చరణ్, ప్రముఖ తమిళ దర్శకుడు శంకర్ తీస్తున్న కొత్త సినిమాలో హీరోగా నటిస్తున్నారు. దీనికి మరో స్టార్ డైరెక్టర్ కార్తిక్ సుబ్బరాజ్ కథను అందించారు. ఇది పొలిటికల్ కథ అని చెప్పిన కార్తిక్.. శంకర్ సర్కు ఇది నచ్చడం తనకు చాలా ఆనందాన్ని ఇచ్చిందని అన్నారు. ఈ ప్రాజెక్టులో భాగమైనందుకు గర్వంగా ఉందని చెప్పారు. అయితే కార్తిక్ కథ ఇవ్వగా, దానికి స్క్రీన్ప్లే, డైలాగ్స్, డైరెక్షన్ శంకర్ చూసుకుంటున్నారు.
ఫిబ్రవరి 10 నుంచి 28వ తేదీ వరకు #RC15 కొత్త షెడ్యూల్.. రాజమండ్రి, దాని పరిసర ప్రాంతాల్లో జరగనుంది. ఇందులో చరణ్ సరికొత్త గెటప్లో కనిపించనున్నట్లు తెలుస్తోంది.
ఈ సినిమాలో కియారా అడ్వాణీ హీరోయిన్. సునీల్, అంజలి, జయరాయ్ తదితరులు కీలకపాత్రలు పోషిస్తున్నారు. తమన్ సంగీతమందిస్తున్నారు. దిల్రాజు నిర్మిస్తున్నారు. వచ్చే ఏడాది సంక్రాంతికి పాన్ ఇండియా స్థాయిలో ఈ సినిమా రిలీజ్ కానుంది.
ఇవీ చదవండి:
- 'ఆర్ఆర్ఆర్' కొత్త రిలీజ్ డేట్ వచ్చేసింది
- 'ఆర్ఆర్ఆర్' ఇంటర్వెల్ సీక్వెన్స్ కోసం 65 రాత్రులు
- RRR Pre Release Event: ఎన్టీఆర్ నాలో సగభాగం: రామ్ చరణ్
- ఏ డైరెక్టర్కు నేను అలా చెప్పలేను: హీరో రామ్చరణ్
- RRR movie: రాజమౌళితోనే అది సాధ్యమైంది- హీరో రామ్చరణ్
- 'రంగస్థలం' కాంబో రిపీట్.. చరణ్తో సుకుమార్ మరో సినిమా
