సూపర్స్టార్ రజనీకాంత్(Rajinikanth) కథానాయకుడిగా జె.శివకుమార్ రూపొందిస్తున్న చిత్రం 'అన్నాత్తే'(Annaatthe). సన్పిక్చర్స్ పతాకంపై కళానిధి మారన్ నిర్మిస్తున్నారు. మీనా, ఖుష్బు, నయనతార, కీర్తి సురేశ్ కీలక పాత్రల్లో నటిస్తున్నారు. ఈ సినిమా ఇప్పటికే తుది దశ చిత్రీకరణకు చేరుకుంది. ఆఖరి షెడ్యూల్ కోసం కోల్కతాలో రంగం సిద్ధం చేశారు. ఇందుకోసం రజనీ ఇప్పటికే ఆ నగరానికి చేరుకున్నారని సమాచారం.
బుధవారం నుంచే చిత్రీకరణ ప్రారంభమైనట్లు తెలుస్తోంది. ఇందులో చిత్ర ప్రధాన తారాగణమంతా పాల్గొంటున్నట్లు సమాచారం. నెలాఖరు వరకు చిత్రీకరణ కొనసాగే అవకాశం ఉంది. గ్రామీణ నేపథ్యంలో సాగే కుటుంబ కథాంశంతో ఈ చిత్రం రూపొందుతోంది. డి ఇమ్మాన్ ఈ సినిమాకు స్వరాలు సమకూరుస్తున్నారు.
దీపావళికి రిలీజ్..
గతేడాది దీపావళికి విడుదల కావాల్సిన 'అన్నాత్తే' చిత్రం కరోనా సంక్షోభం కారణంగా వాయిదా పడింది. ఇటీవలే షూటింగ్ను చిత్రబృందం తిరిగి ప్రారంభించగా.. ఇప్పుడు తుదిదశకు చేరుకుంది. ఈ నేపథ్యంలో సినిమా విడుదలపై చిత్రబృందం ఇటీవలే స్పష్టత ఇచ్చింది.
ఈ ఏడాది దీపావళి కానుకగా నవంబరు 4న (Annaatthe Release Date) చిత్రాన్ని థియేటర్లలో రిలీజ్ చేయనున్నట్లు నిర్మాణసంస్థ సన్ పిక్చర్స్ ప్రకటించింది.
ఇదీ చూడండి.. Kangana: నిర్మాతగా, వ్యాఖ్యాతగా తొలి అడుగులు!
