స్టార్ డైరెక్టర్ ఎస్.ఎస్.రాజమౌళి అంటే మనకు 'బాహుబలి'(Bahubali) లాంటి భారీ బడ్జెట్ సినిమానే గుర్తొస్తుంది. ప్రస్తుతం ఆయన 'ఆర్ఆర్ఆర్'తో బిజీగా ఉండగా, కరోనా(Corona) కారణంగా ఈ చిత్ర షూటింగ్ ఆగిపోయింది. సెకండ్ వేవ్ ప్రభావం నెమ్మదిగా తగ్గుతుండటం, రాష్ట్రాలు పలు అంశాల్లో సడలింపులు ఇస్తున్న నేపథ్యంలో త్వరలో చిత్రీకరణ మొదలయ్యే సూచనలు కనిపిస్తున్నాయి. కానీ అంతకంటే ముందే మరో సర్ప్రైజ్తో ప్రేక్షకులను పలకరించనున్నారు రాజమౌళి.
'ఆర్ఆర్ఆర్' షూటింగ్ తిరిగే ప్రారంభించేందుకు మరికొద్దిరోజులు పట్టేలా ఉంది. కాబట్టి ఆ విరామంలో కరోనాపై అవగాహనలో భాగంగా ఓ షార్ట్ఫిల్మ్ తీసే యోచనలో రాజమౌళి అండ్ టీమ్ ఉంది. ప్రస్తుతం మనం ఎదుర్కొంటున్న విపత్కర పరిస్థితుల్లో ఓ పోలీస్ అధికారి, తన బాధ్యతను ఎలా నిర్వర్తించారు అనే కథతో దీనిని తెరకెక్కిస్తున్నట్లు తెలుస్తోంది. త్వరలో దీని గురించి పూర్తి వివరాలు వెల్లడించనున్నారు!
'ఆర్ఆర్ఆర్' విడుదల ఈ అక్టోబరు 13 అని చెబుతున్నప్పటికీ, అదికాస్త వచ్చే ఏడాదికి వాయిదా పడే అవకాశాలే ఎక్కువగా కనిపిస్తున్నాయి. దీనిపైనా త్వరలో చిత్రబృందం అధికారిక ప్రకటన చేసే అవకాశముంది.
ఇవీ చదవండి:
