Maheshbabu Balakrishna Rajamouli: త్వరలోనే 'ఆర్ఆర్ఆర్'తో అభిమానులను పలకరించనున్న దర్శకుడు రాజమౌళి తన తదుపరి సినిమాను మహేశ్బాబుతో తెరకెక్కించనున్నారు. అయితే ఇది మల్టీస్టారర్ చిత్రమని, ఇందులో నందమూరి నటసింహం బాలకృష్ణ కూడా నటిస్తారని ప్రచారం సాగింది. తాజాగా దీనిపై స్పష్టతనిచ్చారు జక్కన్న. ఈ మూవీ సింగిల్ హీరో ఫిల్మ్ అని చెప్పారు. 'ఆర్ఆర్ఆర్' ప్రమోషన్స్లో భాగంగా సినిమా ప్రీ రిలీజ్ ఈవెంట్ కోసం నేడు బెంగళూరు వెళ్లిన మూవీటీం ఓ మీడియా సమావేశంలో పాల్గొంది. ఈ కార్యక్రమంలోనే జక్కన్న. మహేశ్ మూవీపై క్లారిటీ ఇచ్చారు. ఇంకా పలు విశేషాల గురించి మాట్లాడారు.
కాగా, మహేశ్ సినిమా అడవి నేపథ్యంలో సాగే భారీ బడ్జెట్‌ మూవీ అని కూడా ప్రచారం జరుగుతోంది. ఆఫ్రికాలోని దట్టమైన అడవుల్లో పోరాట సన్నివేశాలు తెరకెక్కించనున్నట్టు సమాచారం. ప్రస్తుతం మహేశ్ పరశురామ్‌ దర్శకత్వంలో ‘సర్కారు వారి పాట’ చిత్రం చేస్తున్నారు. మే 12న ప్రేక్షకుల ముందుకు రానుందీ చిత్రం. ఇక 'ఆర్ఆర్ఆర్' మార్చి 25న విడుదల కానుంది.
ఇదీ చూడండి: 'ఆర్ఆర్ఆర్'కు సర్కారు గుడ్న్యూస్.. టికెట్ రేట్ల పెంపునకు ఓకే
