'పార్చ్డ్' సినిమా సమయంలో తన నగ్న వీడియోలంటూ కొన్ని సోషల్మీడియాలో వైరల్ అయ్యాయని బాలీవుడ్ నటి రాధికా ఆప్టే వెల్లడించింది. అయితే తాను నటించిన తొలి సినిమాలో వేశ్య పాత్ర కోసం న్యూడ్గా నటించినా.. ఆ వైరల్ అయిన వీడియోలు తనకు సంబంధించినవి కావని స్పష్టం చేసింది. గతంలో తన పేరుతో వచ్చిన న్యూడ్ వీడియోలపై ఇటీవలే ఓ ఇంటర్వ్యూలో స్పష్టతనిచ్చింది రాధిక.
"పార్చ్డ్' సినిమా వివాదం కొనసాగుతున్న సమయంలో 'క్లీన్ షేవెన్' అనే చిత్రంలో నటిస్తున్నాను. అదే సమయంలో నాకు సంబంధించిన ఓ న్యూడ్ వీడియో అంటూ వైరల్ అయ్యింది. అప్పుడు నన్ను బాగా ట్రోల్ చేశారు. ఆ విషయం నన్ను చాలా కుంగదీసింది. దాదాపుగా వారం రోజులు ఇంటి నుంచి బయటకు రాలేదు. అయితే ఆ వీడియో లీక్ అయిన విషయాన్ని నా డ్రైవర్, వాచ్మెన్, స్టైలిష్ ద్వారా తెలుసుకున్నా".
- రాధికా ఆప్టే, బాలీవుడ్ నటి
"అలాంటి వివాదస్పద చిత్రాలు, బోల్డ్ సెల్ఫీలు సెలబ్రెటీల పేరుతో వైరల్ అవ్వడం ఎవరూ అడ్డుకోలేరని అర్థమైంది. అందుకే వాటిని పట్టించుకోవడం మానేశా. వాటి గురించి ఆలోచిస్తూ సమయాన్ని వృథా చేసుకోవాలని లేదు. ప్రస్తుతం కొన్ని ప్రాజెక్టుల్లో నటిస్తున్నాను. లాక్డౌన్ కారణంగా పనిపట్ల కొంత నిరాశకు గురయ్యాను. కానీ, దాని నుంచి బయటపడేందుకు ఏదో పని చేస్తూ బిజీగా ఉంటున్నా" అని రాధికా ఆప్టే వెల్లడించింది. రాధిక చివరిగా జాకీ ష్రాఫ్, విజయ్ వర్మతో కలిసి 'ఓకే కంప్యూటర్'లో నటించింది. అది డిస్నీ+హాట్స్టార్లో ప్రేక్షకులకు అందుబాటులో ఉంది.
ఇదీ చూడండి.. 'పెళ్లి సంద..డి' సాంగ్ అప్డేట్.. 'ఏక్ మినీ కథ' ట్రైలర్
