Radhe Shyam: డార్లింగ్ ప్రభాస్ తనను ముద్దుకున్నారని చెప్పారు సంగీత దర్శకుడు తమన్. ప్రభాస్ నటించిన 'రాధేశ్యామ్'కు తమన్ నేపథ్య సంగీతమందించారు. ఈ క్రమంలోనే కొన్ని సన్నివేశాలకు అందించిన ఆర్ఆర్కు ముగ్ధుడైన ప్రభాస్ గంతులేసి మరీ తనను మద్దుపెట్టుకున్నారని తెలిపారు. శుక్రవారం సినిమా విడుదల సంద్భంగా దర్శకుడు రాధాకృష్ణతో కలిసి ప్రత్యేక ఇంటర్వ్యూలో పాల్గొన్న సందర్భంగా పలు ఆసక్తిర విశేషాలను వెల్లడించారు తమన్.
'బాహుబలి' అనంతరం 'రాధేశ్యామ్' చేస్తున్న క్రమంలోనే పాన్ఇండియా స్టార్గా ఎదిగారు ప్రభాస్. అయితే ఆయన స్టార్డమ్ ఈ సినిమాపై ఎలాంటి ఒత్తిడి తీసుకురాలేదని చెప్పారు దర్శకుడు రాధాకృష్ణ. ఒక గదిలో ఉన్నప్పుడు ప్రభాస్ ఒక సూపర్స్టార్ అనే భావనను కలింగించరని తెలిపారు. డార్లింగ్ ఎంతో ఒదిగి ఉంటారని కొనియాడారు.
మార్చి 11న ప్రపంచవ్యాప్తంగా థియేటర్లలో విడుదలైన 'రాధేశ్యామ్' మంచి టాక్తో దూసుకుపోతోంది. ఇందులో విక్రమాదిత్య అనే హస్తసాముద్రికా నిపుణుడిగా నటించారు ప్రభాస్. దాదాపు రూ.300కోట్ల బడ్జెట్‌తో యు.వి.క్రియేషన్స్‌ ఈ సినిమాను నిర్మించింది. పూజా హెగ్డే హీరోయిన్. రాజమౌళి ఈ సినిమాకు వాయిస్ ఓవర్ ఇచ్చారు. కృష్ణంరాజు కీలకపాత్ర పోషించారు. జస్టిన్ ప్రభాకరన్ పాటలు స్వరపరచగా, తమన్ బ్యాక్గ్రౌండ్ మ్యూజిక్ అందించారు.
ఇదీ చదవండి: రాధేశ్యామ్ పబ్లిక్ టాక్: 'ఓ మంచి ప్రయత్నం.. కానీ...'
