Radhe shyam release date: యంగ్ రెబల్ స్టార్ ప్రభాస్, పూజహెగ్డే నటించిన 'రాధేశ్యామ్' చిత్రం మార్చి 11న ప్రపంచవ్యాప్తంగా విడుదలకు సిద్ధమైంది. చిత్రంలో విలువిద్య క్రీడాకారిణిగా నటించింది యువనటి రిధి కుమార్. జాతకం చూపించుకునే సాహసం తన జీవితంలో ఇప్పటి వరకు చేయలేదని యువ కథానాయిక రిధికుమార్ 'ఈటీవీ భారత్'కు ఇచ్చిన ప్రత్యేక ఇంటర్వ్యూలో తెలిపారు.
సెట్లో డార్లింగ్ ప్రభాస్తో ఎంతో సందడి చేసేవాళ్లమని పేర్కొన్నారు. రాధేశ్యామ్ ఒక గొప్ప ప్రేమకథ చిత్రంగా ఉండబోతుందని రిధి కుమార్ వివరించారు.
ఇక ఈ చిత్రం అమెరికాలో గ్రాండ్గా రిలీజ్ అయ్యేందుకు సిద్ధమైంది. మార్చి 10న రికార్డు స్థాయిలో ప్రీమియర్ షోలు ప్రదర్శన కానున్నాయి. 1,116 లోకేషన్లలో 11,116 షోలు వేయనున్నారు. అడ్వాన్స్ బుకింగ్స్ కూడా రికార్డు స్థాయిలో అవుతున్నట్లు తెలిసింది.
కాగా, రొమాంటిక్ లవ్స్టోరీగా తెరకెక్కిన ఈ సినిమాకు దర్శకధీరుడు రాజమౌళి వాయిస్ ఓవర్ ఇచ్చారు. కృష్ణంరాజు కీలకపాత్ర పోషించారు. జస్టిన్ ప్రభాకరన్ పాటలు స్వరపరచగా, తమన్ బ్యాక్గ్రౌండ్ మ్యూజిక్ అందించారు. రాధాకృష్ణ కుమార్ దర్శకత్వం వహించారు. యూవీ క్రియేషన్స్- గోపీకృష్ణ మూవీస్ సంయుక్తంగా నిర్మించాయి.
- " class="align-text-top noRightClick twitterSection" data="">
ఇదీ చూడండి: 'రాధేశ్యామ్' ఫస్ట్ రివ్యూ వచ్చేసింది.. ఎలా ఉందంటే?
