*'పుష్ప' ట్రైలర్ రిలీజ్ ఎప్పుడు చేస్తారో ప్రకటించారు. డిసెంబరు 6న ప్రేక్షకుల ముందుకు తీసుకురానున్నట్లు తెలిపారు. దీంతో అభిమానుల ఇప్పుడు నుంచే కౌంట్డౌన్ మొదలుపెట్టేశారు.
ఎర్రచందనం స్మగ్లింగ్ నేపథ్య కథతో తీసిన ఈ సినిమాలో అల్లు అర్జున్-రష్మిక హీరోహీరోయిన్లుగా నటించారు. ఫహాద్ ఫాజిల్, సునీల్, అనసూయ తదితరులు కీలకపాత్రలు పోషించారు. దేవిశ్రీ ప్రసాద్ సంగీతమందించారు. సుకుమార్ దర్శకత్వం వహించారు. మైత్రీ మూవీ మేకర్స్ భారీ బడ్జెట్తో ఈ సినిమాను నిర్మించారు.
*'స్పైడర్మ్యాన్: నో వే హోమ్' సినిమా.. చెప్పిన తేదీ కంటే ఓ రోజు ముందే మనదేశంలో రిలీజ్ కానుందని వెల్లడించారు. దీంతో డిసెంబరు 17న కాకుండా డిసెంబరు 16న థియేటర్లలోకి చిత్రం రానుంది.
స్పైడర్మ్యాన్: నో వే హోమ్ మూవీ జాన్ వాట్స్ దర్శకత్వం వహించిన ఈ సినిమాలో డాక్టర్ స్ట్రేంజ్ పాత్ర కూడా ఉంది. ఈ చిత్రంలోని పలు కీలకపాత్రలు ఇందులో కనిపించాయి. అలానే ఈ సినిమాలో ముగ్గురు 'స్పైడర్మ్యాన్'లు ఒకే సీన్లో కనిపించనున్నారనే అంటున్నారు. మరి ఇది నిజమో కాదో తెలియాలంటే సినిమా రిలీజ్ వరకు ఆగాల్సిందే.
*కిరణ్ అబ్బవరం-చాందిని చౌదరి హీరోహీరోయిన్లుగా నటించిన సినిమా 'సమ్మతమే'. ఈ చిత్రంలోని 'కృష్ణ అండ్ సత్యభామ' లిరికల్ వీడియో సోమవారం రిలీజైంది.
రొమాంటిక్ ఎంటర్టైనర్గా తెరెకక్కుతున్న ఈ సినిమాకు గోపీనాథ్ రెడ్డి దర్శకత్వం వహించారు. శేఖర్ చంద్ర సంగీతమందించగా, కనకాల ప్రవీణ నిర్మించారు. త్వరలో ఈ సినిమా విడుదల తేదీని ప్రకటించనున్నారు.
*విజయ్-పూజా హెగ్డే 'బీస్ట్' సినిమా 100 రోజుల షూటింగ్ పూర్తయింది. ఈ విషయాన్ని వెల్లడించిన దర్శకుడు ఓ ఫొటో పోస్ట్ చేశారు. ఇందులో విజయ్ డ్రమ్స్ వాయిస్తుండగా, పాడుతూ పూజా హెగ్డే కనిపిస్తుంది. దర్శకుడు నెలన్స్ దిలీప్ కుమార్ గిటార్ ప్లే చేస్తూ దర్శనమిచ్చారు. ఈ సినిమా వచ్చే ఏడాది ప్రేక్షకుల ముందుకు రానుంది.
*1983 ప్రపంచకప్ ఆధారంగా తీస్తున్న సినిమా '83'. ఈ చిత్ర ట్రైలర్ను మంగళవారం(నవంబరు 30) రిలీజ్ చేయనున్నారు. ఇందులో కపిల్దేవ్ పాత్రను రణ్వీర్ సింగ్, అతడి భార్యగా దీపికా పదుకొణె నటిస్తున్నారు. మిగతా పాత్రల్లో జీవా, పంకజ్ త్రిపాఠి, అమ్మి విర్క్, తాహిర్ బాసిన్ తదితరులు కీలకపాత్రల్లో కనిపించనున్నారు. కబీర్ ఖాన్ దర్శకత్వం వహించారు. డిసెంబరు 24న ఈ సినిమాను థియేటర్లలోకి రానుంది.
ఇవీ చదవండి:
