హీరో అల్లు అర్జున్-దర్శకుడు సుకుమార్ కాంబోలో తెరకెక్కుతున్న సినిమా 'పుష్ప'. రష్మిక హీరోయిన్. ఈ సినిమా డబ్బింగ్ పనులు ప్రారంభమైనట్లు తెలిపింది చిత్రబృందం. దానికి సంబంధించిన ఫొటోలను ట్వీట్ చేసింది.
ఎర్ర చందనం అక్రమ రవాణా నేపథ్యంలో సాగే కథ ఇది. మైత్రీమూవీ మేకర్స్‌ సంస్థ నిర్మిస్తోంది. దేవీశ్రీ ప్రసాద్‌ సంగీతం అందిస్తున్నారు. మలయాళ నటుడు ఫహాద్ ఫాజిల్ విలన్గా నటిస్తున్నారు. ఆగస్టు 13న ప్రేక్షకుల ముందుకు రానుందీ చిత్రం.
యువ హీరో అక్కినేని అఖిల్-దర్శకుడు సురేందర్ రెడ్డి కాంబోలో ఓ కొత్త సినిమా తెరకెక్కనుంది. దీనికి సంబంధించిన ఫస్ట్లుక్ను ఏప్రిల్ 8న ఉదయం 9.09గంటలకు విడుదల చేయనున్నట్లు ప్రకటించింది చిత్రబృందం.
బర్నింగ్ స్టార్ సంపూర్ణేశ్ బాబు హీరోగా కొత్త సినిమా షూటింగ్ ప్రారంభమైంది. సంపూర్ణేశ్కు జోడీగా విద్యుల్లేఖా రామన్,సాఫీ కౌర్ నటిస్తున్నారు. మీరావలి దర్శకత్వంలో తెరకెక్కుతున్న ఈ చిత్రానికి 'పుడింగి నెం.1' టైటిల్ ఖరారు చేశారు.
ఇదీ చూడండి: 'వకీల్సాబ్' సాంగ్ వాయిదా- 'జాతిరత్నాలు' డిలీటెడ్ సీన్
