పవర్‌స్టార్‌ పవన్కల్యాణ్ (Pawan Kalyan), రానా దగ్గుబాటి (Rana Daggubati) ప్రధాన పాత్రల్లో ఓ చిత్రం తెరకెక్కుతోంది. కరోనా కారణంగా ఈ ఏడాది మార్చి చివర్లో షూటింగ్ను ఆపేశారు. ఇప్పుడు చిత్రసీమలో చిత్రీకరణలు జోరుగా సాగుతున్న వేళ.. ఈ చిత్ర షూటింగ్ను తిరిగి ప్రారంభించేందుకు చిత్రబృందం సన్నద్ధమవుతోంది.
జులై 12 నుంచి షూటింగ్ను తిరిగి ప్రారంభించేందుకు చిత్రబృందం సన్నాహాలు చేస్తోంది. అదే రోజు నుంచి సినిమాలోని ఓ యాక్షన్ సన్నివేశాన్ని తెరకెక్కించనున్నట్లు తెలుస్తోంది. ఈ షెడ్యూల్లో పవన్, రానా ఇద్దరు కలిసి చిత్రీకరణలో పాల్గొననున్నారని తెలుస్తోంది.
టైటిల్ ఇదేనా?
పవన్-రానా ప్రధానపాత్రల్లో తెరకెక్కుతోన్న ఈ సినిమాకు టైటిల్ ఇదేనంటూ నెట్టింట జోరుగా ప్రచారం జరుగుతోంది. 'పరశురామ కృష్ణమూర్తి' అనే టైటిల్ను చిత్రబృందం పరిశీలిస్తున్నట్లు సమాచారం. త్వరలోనే ఈ టైటిల్ను రిజిష్టర్ చేసి ఆగస్టులో అధికారికంగా ప్రకటించనున్నారని టాలీవుడ్ వర్గాలు అంటున్నాయి.
మలయాళంలో సూపర్‌హిట్‌గా నిలిచిన 'అయ్యప్పనుమ్ కోషియుమ్'కు (Ayyappan Koshyum) రీమేక్‌గా ఈ సినిమా తెరకెక్కుతోంది. ఇందులో పవన్కల్యాణ్, రానా దగ్గుబాటితో పాటు ఐశ్వర్యారాజేశ్(Aishwarya Rajesh), నిత్యామేనన్(Nithya Menen) కీలకపాత్రల్లో నటిస్తున్నారు. సాగర్‌ కె.చంద్ర దర్శకత్వంలో రానున్న ఈ సినిమాకు ప్రముఖ దర్శకుడు త్రివిక్రమ్‌ శ్రీనివాస్‌(Trivikram Srinivas) మాటల రచయితగా వ్యవహరించనున్నారు.
ఇదీ చూడండి.. సెట్లో అడుగుపెట్టిన రానా.. పవన్తో ఫైట్!
