బాలీవుడ్ కండలవీరుడు సల్మాన్ ఖాన్.. 'టైగర్' సిరీస్లో మూడో చిత్రంలో నటించనున్నారు. ప్రముఖ నిర్మాణసంస్థ యశ్రాజ్ ఫిల్మ్స్ తెరకెక్కిస్తోంది. దాదాపు రూ.300 కోట్ల బడ్జెట్ను ఈ ప్రాజెక్టు కోసం ఖర్చు చేస్తున్నారట. ఇందులో కత్రినా కైఫ్ కథానాయికగా నటించనుంది.
"టైగర్' సిరీస్లో మూడో చిత్రానికి బడ్జెట్ రూ.200 కోట్ల నుంచి రూ.225 కోట్ల వరకు ఉంటుంది. ఇప్పటివరకు వచ్చిన సల్మాన్ సినిమాల్లో ఇదే ఎక్కువ బడ్జెట్. ప్రింట్, పబ్లిసిటీతో కలిపి మరో రూ.25 కోట్లు అవుతుంది. ఇందులో నటించేందుకే సల్మాన్ రూ.100 కోట్లు తీసుకుంటున్నారు. యశ్రాజ్ ఫిల్మ్స్ సంస్థకు 'ధూమ్'తో పాటు 'టైగర్' కూడా అతిపెద్ద ఫ్రాంచైజీనే. వీటి నిర్మాణంలో యశ్రాజ్ అస్సలు రాజీ పడదు. 'టైగర్ 3' కోసం 6-7 దేశాల స్టంట్ నిపుణులు పనిచేయనున్నారు. దర్శకుడు ఆదిత్య చోప్రా, రచయితలతో స్క్రిప్ట్ పనులు పూర్తి చేస్తున్నారు"
-బాలీవుడ్ సినీ విశ్లేషకుడు
సల్మాన్ ఖాన్.. ప్రస్తుతం ప్రభుదేవా దర్శకత్వంలో 'రాధే: యువర్ మోస్ట్ వాంటెడ్ భాయ్' సినిమాలో నటిస్తున్నారు. షూటింగ్ చివరిదశకు చేరుకుంది. హీరోయిన్గా దిశా పటానీ నటిస్తుంది. ఆగస్టు నుంచి చిత్రీకరణను తిరిగి ప్రారంభించాలని సన్నాహాలు చేస్తున్నారు. ఇందుకోసం ముంబయిలోని మెహబూబ్ స్టూడియోలో షూటింగ్ చేసుకోవడానికి అనుమతి కోరినట్లు సమాచారం.
