కరోనా ప్రభావంతో ఈ ఏడాది జూన్లో జరగాల్సిన కేన్స్ ఫిలిం ఫెస్టివల్ వాయిదా పడింది. ఈ వేడుకను వచ్చే సంవత్సరం ఏర్పాటు చేసే విషయాన్ని నిర్వాహకులు పరిశీలిస్తున్నారు. గతేడాది ఈ ఫెస్టివల్కు మొదటిసారి హాజరైన బాలీవుడ్ స్టార్ హీరోయిన్ ప్రియాంకా చోప్రా.. దానికి సంబంధించిన జ్ఞాపకాలను తాజాగా పంచుకుంది.
ప్రియాంక.. తన భర్త నిక్ జోనస్తో కలిసి గతేడాది జరిగిన 72వ కేన్స్ ఫిలిం ఫెస్టివల్కు హాజరైంది. అప్పుడు తీసిన ఫొటోలను ఓ వీడియోగా రూపొందించి తన సామాజిక మాధ్యమాల్లో షేర్ చేసిందీ నటి. నిక్, ప్రియాంకల జంట రెడ్ కార్పెట్పై ఉన్న సమయంలో భయంకరమైన వర్షం కురిసింది.
- " class="align-text-top noRightClick twitterSection" data="
">
ఆసక్తికరమైన విషయం ఏమిటంటే.. ప్రియాంక, నిక్ కలిసి ఫొటోలకు పోజులిస్తున్న క్రమంలో వర్షం ప్రారంభమైంది. ఆ వర్షంలో తన భార్య తడవడానికి నిక్ ఇష్టపడలేదు. తన అందమైన తెల్ల గౌను తడవకుండా గొడుగుతో కాపాడాడు.
ఇదీ చూడండి.. 'లాక్డౌన్లో ప్రేమకు అర్థం తెలుసుకున్నా'
