'అ!' వంటి విభిన్న కథాంశంతో సినీప్రియులకు మంచి చిత్రాన్ని పరిచయం చేశాడు యువ దర్శకుడు ప్రశాంత్ వర్మ. నేచురల్ స్టార్ నాని నిర్మాణంలో వచ్చిన ఈ సినిమా ఇటు ప్రేక్షకులతో పాటు అటు విమర్శకుల ప్రశంసలూ దక్కించుకుంది. ఇప్పుడీ క్రేజీ చిత్రానికి సీక్వెల్ తీసుకురానున్నట్లు ప్రకటించాడు చిత్ర దర్శకుడు. తాజాగా దీని గురించి ప్రశాంత్ ట్విట్టర్ వేదికగా స్పందిస్తూ ఓ ఆసక్తికర విషయాన్ని పంచుకున్నాడు.
"చాలా రోజులుగా ప్రతిఒక్కరూ 'అ2' గురించి అడుగుతున్నారు. మీరంతా ఈ ప్రాజెక్టుపై కనబరుస్తున్న ఆసక్తికి నా కృతజ్ఞతలు. వాస్తవమేంటంటే.. నేను ఏడాది క్రితమే 'అ'కి సీక్వెల్‌గా ఓ క్రేజీ స్క్రిప్ట్‌ను సిద్ధం చేశా. కానీ, ఆ స్క్రిప్ట్‌లోని క్రేజీనెస్‌కు సరిపోయే నిర్మాత దొరకలేదు. నేనీ ప్రాజెక్టును పట్టాలెక్కించేందుకు ఎంతో ఆసక్తిగా ఎదురుచూడటమే కాదు.. చాలా కష్టపడుతున్నా కూడా. నిజంగా.. నన్ను నమ్మండి."
- ప్రశాంత్ వర్మ, యువ దర్శకుడు
'అ!' చిత్రంలో కాజల్ అగర్వాల్, నిత్యామీనన్, రెజీనా, ఇషారెబ్బా, రవితేజ, అవసరాల శ్రీనివాస్, మురళీ శర్మ ముఖ్య పాత్రల్లో నటించారు.
- " class="align-text-top noRightClick twitterSection" data="">
ఇదీ చదవండి: నా 'సూపర్హీరో' సినిమా కోసం ఎదురుచూస్తున్నా: సమంత
