తెలుగు సినీ ప్రేక్షకులు ఎంతో ఆసక్తిగా ఎదురు చూస్తున్న చిత్రాల్లో 'ఎఫ్3'(F3 movie) ఒకటి. అనిల్ రావిపూడి దర్శకత్వంలో వెంకటేశ్(Venkatesh), వరుణ్‌తేజ్‌(Varun Tej) కీలకపాత్రల్లో నటిస్తున్నారు. తమన్నా(Tammanah), మెహరీన్‌(Mehreen) కథానాయికలు. గతంలో వచ్చిన 'ఎఫ్2'కు కొనసాగింపుగా ఈ సినిమా రాబోతోంది. శరవేగంగా చిత్రీకరణ జరుపుకొంటున్న ఈ సినిమా షూటింగ్‌ కరోనా కారణంగా ఆగిపోయింది. త్వరలోనే చిత్రీకరణకు సిద్ధమవుతోంది.
ఈ నేపథ్యంలో ఓ ఆసక్తికర వార్త తెలుగు చిత్రపరిశ్రమలో చక్కర్లు కొడుతోంది. ఇందులో ప్రత్యేక గీతం కోసం కథానాయిక ప్రగ్యా జైశ్వాల్(Pragya Jaiswal)ను చిత్రబృందం సంప్రదించిందట. మాస్‌, యూత్‌తో పాటు అన్ని వర్గాలను ఈ పాట ఆకట్టుకునేలా ఈ గీతం ఉంటుందని సమాచారం. ఆమెకు కూడా అందుకు సుముఖంగా ఉన్నట్లు తెలుస్తోంది. అయితే, దీనిపై చిత్రబృందం స్పందించాల్సి ఉంది. శ్రీ వెంకటేశ్వర క్రియేషన్స్‌ పతాకంపై దిల్‌రాజు ఈ సినిమాను నిర్మిస్తున్నారు. దేవిశ్రీ ప్రసాద్‌ స్వరాలు సమకూరుస్తున్నారు.
ఇదీ చూడండి.. రామ్చరణ్ @4 మిలియన్స్.. 'ఇన్సైడ్ ఎడ్జ్ 3' రిలీజ్ అప్డేట్
