ఎప్పుడెప్పుడా అని ఎదురు చూసిన 'సాహో' ట్రైలర్ ప్రేక్షకుల ముందుకొచ్చింది. యంగ్ రెబల్ స్టార్ ప్రభాస్ హీరోగా నటించాడు. భారీ తారాగణంతో అత్యుత్తమ స్థాయి పోరాట సన్నివేశాలతో ఈ ప్రచార చిత్రాన్ని రూపొందించారు. ఇది సినిమాపై అంచనాల్ని పెంచేస్తోంది.
ముంబయిలో జరిగిన రూ.2000 కోట్ల దొంగతనాన్ని ఛేదించేందుకు వచ్చిన అండర్ కవర్ పోలీసుగా ప్రభాస్ నటించాడు. ఆ క్రమంలో విలన్లను ఎలా ఎదుర్కొన్నాడు? ఈ పోరాటంలో హీరోయిన్ శ్రద్ధా కపూర్ చనిపోవడం... ఆ తర్వాత ప్రభాస్ ఏం చేశాడో తెలియాలంటే సినిమా చూడాల్సిందే.
చుంకీ పాండే, మహేశ్ మంజ్రేకర్, జాకీష్రాఫ్, మందిరా బేడీ, అరుణ్ విజయ్, నీల్ నీతేశ్ తదితర ప్రముఖ నటులు ఇందులో కనిపించనున్నారు. యూవీ క్రియేషన్స్ దాదాపు రూ.350 కోట్లతో ఈ సినిమా నిర్మించింది. సుజీత్ దర్శకత్వం వహించాడు. ఆగస్టు 30న ప్రేక్షకులను ఉర్రూతలూగించేందుకు వస్తోంది.
ఇది చదవండి: 'సాహో' కోసం ప్రభాస్కు 100 కోట్లు!
