Dulquer Salmaan Kajal Agarwal Movie: మలయాళ స్టార్ నటుడు దుల్కర్ సల్మాన్ నటిస్తోన్న కొత్త చిత్రం 'హే సినామిక'. కాజల్ అగర్వాల్, అదితీ రావు హైదరీ కథానాయికలు. బృందా దర్శకుడు. పాన్ ఇండియా స్థాయిలో ఈ సినిమా తెరకెక్కుతోంది.
- " class="align-text-top noRightClick twitterSection" data="">
ఈ చిత్రం నుంచి 'ప్రాణం' అనే పాటను డార్లింగ్ ప్రభాస్ విడుదల చేశారు. గోవింద్ వసంత సంగీతమందిన ఈ మెలొడీ గీతం ఆద్యంతం ఆకట్టుకుంటోంది.
విక్కీ-సారా షూటింగ్ పూర్తి..
బాలీవుడ్ నటుడు విక్కీ కౌశల్-సారా అలీఖాన్ జంటగా నటిస్తున్న కొత్త చిత్రం షూటింగ్ పూర్తైంది. లక్ష్మణ్ ఉటేకర్ దర్శకత్వం వహించిన ఈ చిత్రానికి ఇంకా టైటిల్ ఖారారు చేయలేదు. దినేశ్ విజన్ నిర్మాత. త్వరలోనే ఈ చిత్రానికి సంబంధించిన పూర్తి వివరాలు వెల్లడించనున్నారు.
'విక్రాంత్ రోణ' వాయిదా
కన్నడ స్టార్ కిచ్చా సుదీప్ పాన్ ఇండియా సినిమా 'విక్రాంత్ రోణ' విడుదల వాయిదా పడింది. భారత్ సహా ప్రపంచవ్యాప్తంగా కరోనా కారణంగా నెలకొన్న పరిస్థితుల దృష్ట్యా.. ఫిబ్రవరి 24న రిలీజ్ కావాల్సిన ఈ చిత్రాన్ని వాయిదా వేస్తున్నట్లు చిత్రబృందం ప్రకటించింది.
ఈ సినిమాలో జాక్వెలిన్ ఫెర్నాండెజ్ హీరోయిన్. తెలుగు, హిందీ, తమిళ, మలయాళం, కన్నడతో పాటు మరో ఐదు విదేశీ భాషల్లో ఈ చిత్రం రిలీజ్ కానుంది. అనూప్ భండారి దర్శకత్వం వహించారు.
వెబ్సిరీస్లో మాధురీ దీక్షిత్..
బాలీవుడ్ సీనియర్ నటి మాధురీ దీక్షిత్.. వెబ్సిరీస్లోకి అడుగుపెట్టారు. 'ది ఫేస్ గేమ్' అనే సిరీస్తో ఆమె అలరించనున్నారు. దీనిని ప్రముఖ నిర్మాత కరణ్ జోహార్ నిర్మిస్తున్నారు. ఓటీటీ నెట్ఫ్లిక్స్లో ఫిబ్రవరి 25 నుంచి సిరీస్ ప్రసారం కానుంది. ఇందులో బాలీవుడ్ ఐకాన్ అనామికా ఆనంద్ పాత్రలో మాధురి నటించనున్నారు.
'మిథ్య'లో హ్యూమా ఖురేషీ..
జీ5 ఓటీటీ వేదికగా 'మిథ్య' అనే వెబ్సిరీస్లో నటించనున్నారు బాలీవుడ్ భామ హ్యూమా ఖురేషీ. ఇందులో అవంతిక దస్సానీ మరో ప్రధాన పాత్రలో నటిస్తున్నారు. రోహన్ సిప్పి దర్శకుడు. 2019లో వచ్చిన బ్రిటిష్ సిరీస్ 'చీట్' ఆధారంగా దీనిని రూపొందిస్తున్నారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి: Nani: 'దసరా' మూవీ కోసం అంత ఖర్చుతో భారీ సెట్‌?
