యంగ్ రెబల్స్టార్ ప్రభాస్ తర్వాత చేయబోయే చిత్రాన్ని ఇటీవలే ప్రకటించారు. వైజయంతీ మూవీస్ పతాకంపై నాగ్ అశ్విన్ దర్శకత్వం వహిస్తున్నాడు. అయితే ఓ ట్రైలర్ విడుదల కార్యక్రమానికి వచ్చిన ఈ డైరక్టర్.. డార్లింగ్ హీరో చిత్రానికి సంబంధించిన ఆసక్తికర విషయాల్ని చెప్పాడు.
సైన్స్ ఫిక్షన్ కథతో ఈ సినిమా తీయనున్నామని, ఈ ఏడాది చివర్లో షూటింగ్ ప్రారంభించబోతున్నమన్నాడు నాగ్ అశ్విన్. ప్రీ ప్రొడక్షన్స్ కోసం దాదాపు పది నెలలు పనిచేయబోతున్నమని చెప్పాడు. వచ్చే ఏడాది ఆఖర్లో ప్రేక్షకుల ముందుకు రానుందీ చిత్రం. ఈ కథలో ప్రభాస్ తనను తాను చూసుకున్నాడని, అందుకే ఒప్పుకున్నారని అన్నాడు నాగ్ అశ్విన్.
ప్ర‌స్తుతం 'జిల్' ఫేమ్ రాధాకృష్ణ ద‌ర్శ‌క‌త్వంలో సినిమా చేస్తున్నాడు ప్రభాస్. పూజా హెగ్డే హీరోయిన్. 1930ల నాటి ప్రేమకథతో తీస్తున్నారని తెలుస్తోంది.
ఇదీ చూడండి : హాలీవుడ్లో హృతిక్ రోషన్ అరంగేట్రం
