Prabhas Maruti movie: దర్శకుడు మారుతి-ప్రభాస్ కాంబోలో 'రాజా డీలక్స్' అనే సినిమా తెరకెక్కనుందని కొద్ది రోజులుగా ప్రచారం సాగుతోంది. ఇప్పుడీ మూవీ గురించి మరో వార్త బయటకు వచ్చింది. షూటింగ్ ప్రారంభించేందుకు సన్నాహాలు చేస్తున్నారని తెలిసింది. సందీప్ వంగా దర్శకత్వంలో డార్లింగ్ నటించనున్న 'స్పిరిట్' చిత్రం కన్నా ముందే ఈ మూవీని సెట్స్పైకి తీసుకెళ్లాలని చిత్రబృందం యోచిస్తుందని తెలిసింది. ఇక ఈ ప్రాజెక్ట్ కోసం అత్యంత భారీ స్థాయిలో సెట్స్ నిర్మిస్తున్నారట! త్వరలోనే అధికారికంగా ప్రకటించి ఇతర నటీనటుల వివరాలను తెలుపనున్నారట. రెగ్యులర్ షూటింగ్ కూడా ప్రారంభిస్తారని సమాచారం. ఈ సినిమాపై అభిమానుల్లో భారీ ఆసక్తి నెలకొంది. కాగా, డార్లింగ్ నటించిన 'రాధేశ్యామ్' త్వరలోనే ప్రేక్షకుల ముందుకు రానుంది. దీంతో పాటు 'ఆదిపురుష్', 'సలార్', 'స్పిరిట్', 'ప్రాజెక్ట్ కె' చిత్రాల్లోనూ ఆయన నటిస్తున్నారు.
ఆ కథ స్ఫూర్తితోనే
Prabhas Adipurush movie: ప్రభాస్ నటిస్తున్న మరో పాన్ ఇండియా చిత్రం 'ఆదిపురష్'. భారీ బడ్జెట్తో తెరకెక్కుతున్న ఈ సినిమా ఇప్పటికే దాదాపుగా చిత్రకరణ పూర్తి చేసుకుంది. ఈ మూవీ గురించి ఓ ఆసక్తికర విషయాన్ని చెప్పారు దర్శకుడు ఓంరౌత్. "ఈ సినిమా ఆలోచన ఓ జపనీస్ కథ నుంచి పుట్టింది. ఏ ప్రిన్స్ ఆఫ్ లైట్ అనే సినిమా చూశా. చాలా బాగా నచ్చింది. ఆ స్ఫూర్తితోనే ఆదిపురుష్కు శ్రీకారం చుట్టాం." అని రౌత్ అన్నారు. ఇక ఈ చిత్రంలో సైఫ్ అలీఖాన్, కృతిసనన్ కీలక పాత్రలు పోషించారు.
ఇదీ చూడండి: 'కళావతి' సాంగ్కు తమన్.. 'శ్రీవల్లి' పాటకు బాబు మోహన్ స్టెప్పులు!
