దర్శకుడు నాగ్ అశ్విన్-హీరో ప్రభాస్ కాంబినేష‌న్లో ప్రతిష్ఠాత్మకంగా ఓ సినిమా తెరకెక్కబోతుంది. ప్రస్తుతం ప్రీ ప్రొడక్షన్ పనులు జరుగుతున్నాయి. సైన్స్ ఫిక్ష‌న్ నేప‌థ్యంలో రూపొందనున్న ఈ పాన్ ఇండియా చిత్రం.. తెలుగు, హిందీ, తమిళ్, మలయాళం, కన్నడ భాషల్లో విడుదల కానుంది. అయితే తాజాగా ఓ కొత్త అప్టేట్ను తెలిపారు ఈ సినిమాకు సంబంధించిన ఓ ప్రతినిధి. కేవలం ఈ ఐదు భాషల్లోనే కాకుండా పాన్ వరల్డ్గా తెరకెక్కించి ఇంగ్లీష్లోనూ విడుదల చేసేలా చిత్రబృందం ప్రణాళికలు రచిస్తుందని చెప్పారు. ప్రస్తుతం దీనిపై చర్చలు జరుగుతున్నాయని వెల్లడించారు. త్వరలోనే స్పష్టత వస్తుందని అన్నారు.
"హాలీవుడ్ చిత్రాలు హిందీ, తమిళ్, తెలుగులో డబ్బింగ్ అవుతున్నాయి. మనవి ఎందుకు కాకూడదు. కొత్తగా ఉండాలని ఈ ప్రయోగాన్ని చేయాలని ప్రయత్నాలు చేస్తున్నాం. ప్రస్తుతం దీనిపై చర్చలు జరుగుతున్నాయి." అని సదరు ప్రతినిధి తెలిపారు. ఈ చిత్రంలో బాలీవుడ్ స్టార్స్ అమితాబ్ బచ్చన్, దీపికా పదుకొణె కూడా నటిస్తున్నారు.
ఇదీ చూడండి: ప్రభాస్-నాగ్ అశ్విన్ సినిమా సెట్స్పైకి వెళ్లేది అప్పుడే
