బాలీవుడ్ నటుడు సుశాంత్ సింగ్ రాజ్పుత్.. చిత్రసీమలో నెపోటిజమ్ వల్లే ఆత్మహత్య చేసుకున్నాడని హీరోయిన్ కంగనా రనౌత్ సహా పలువురు సెలబ్రిటీలు ఆరోపిస్తున్నారు. ఈ నేపథ్యంలో కంగనకు మద్దతుగా నిలిచారు సినీ నటుడు, మాజీ కేంద్రమంత్రి శత్రుఘ్న సిన్హా. బంధుప్రీతిపై నటి చేస్తోన్న వ్యాఖ్యలన్నీ సమర్థనీయమైనవని అన్నారు. ఈ విషయాన్ని తాజా ఇంటర్వ్యూలో వెల్లడించారు.
చిత్రసీమలో జరుగుతోన్న అన్యాయాలపై ఆమె ధైర్యంగా పోరాడి విజయం సాధిస్తుంటే.. దాన్ని చూసి గిట్టనివారికి అసూయ పుడుతోందని సిన్హా అభిప్రాయపడ్డారు. ఆమెకు వ్యతిరేకంగా మాట్లాడే గొంతుకలన్నీ ద్వేషంతో నిండిపోయినవని అన్నారు.
దీంతోపాటు నెపొటిజమ్కు వ్యతిరేకంగా మాట్లాడుతోన్న కంగన సహా తాప్సీ, తన కూతురు, హీరోయిన్ సోనాక్షి సిన్హాపై ప్రశంసలు కురిపించారు సిన్హా.
కరణ్పై విమర్శలు
నిర్మాత కరణ్ జోహర్పై విమర్శలు గుప్పించారు శ్రతుఘ్నసిన్హా. అతడు వ్యాఖ్యాతగా వ్యవహరించే 'కాఫీ విత్ కరణ్' కార్యక్రమం అర్థంపర్థం లేని షో అని అన్నారు. ఇటువంటి షోల కారణంగా వివాదాలు కూడా తలెత్తుతాయని వెల్లడించారు.
ఇది చూడండి : అవార్డు రాజకీయాలపై తమన్నా కీలక వ్యాఖ్యలు
