రాఘవేంద్రజాలం రిపీట్:​ 'పెళ్లి సంద..డి' స్పెషల్​ వీడియో

ప్రముఖ డైరెక్టర్ కె.రాఘవేంద్రరావు(Director Raghavendrarao) దర్శకత్వ పర్యవేక్షణలో తెరకెక్కుతున్న చిత్రం 'పెళ్లి సంద.. డి'(Pellisandadi movie). జులై 14న.. ఈ చిత్రంలో నటిస్తున్న హీరోయిన్​ శ్రీలీల పుట్టినరోజు సందర్భంగా ఓ ప్రత్యేకమైన వీడియోను విడుదల చేసింది చిత్రబృందం. ఇందులో ఆమె అందం అభిమానులను కట్టిపడేసేలా ఉంది.

నాయికలను అందంగా తీర్చిదిద్దాలంటే అది దర్శకుడు కె.రాఘవేంద్రరావుకే(Director Raghavendrarao) చెల్లిందని చెప్పాలి. తన మాయాజాలంతో హీరోయిన్స్​ను అందాల రాణుల్లా ప్రేక్షకుల గుండెల్లో చెదరని ముద్ర వేసేలా చేస్తారాయన.​ చాలా కాలం తర్వాత మళ్లీ ఆయన తన మాయాజాలాన్ని తెరపై ప్రదర్శించనున్నారు. ప్రస్తుతం ఆయన 'పెళ్లిసంద..డి' చిత్రానికి దర్శకత్వ పర్యవేక్షణ చేస్తున్నారు. ఈ చిత్రంలో శ్రీకాంత్​ తనయుడు రోషన్​, శ్రీలీల హీరోహీరోయిన్లుగా నటిస్తున్నారు.

జూన్​ 14(సోమవారం) శ్రీలీల పుట్టినరోజు సందర్భంగా.. ఆమెకు శుభాకాంక్షలు తెలియజేస్తూ ఓ ప్రత్యేక వీడియోను విడుదల చేసింది చిత్రబృందం. ఇందులో ఆమెను దివి నుంచి భువికి దిగి వస్తున్న దేవకన్యలా చూపించారు రాఘవేంద్రరావు. ఈ వీడియోలో ఆమె అందం అభిమానులను మైమరిపించేలా ఉంది. దీన్ని మీరూ చూసేయండి..

ఈ చిత్రానికి గౌరి రోనంకి దర్శకత్వం వహిస్తున్నారు. మాధవి కోవెలమూడి, శోభు యార్లగడ్డ, ప్రసాద్‌ దేవినేని నిర్మాతలు. కీరవాణి స్వరాలు సమకూరుస్తున్నారు. ఇప్పటికే విడుదలైన ఈ చిత్రంలోని పాటలు యువతను బాగా ఆకట్టుకున్నాయి.

• " class="align-text-top noRightClick twitterSection" data="">

ఇదీ చూడండి: డైరెక్టర్​ కె.రాఘవేంద్రరావు సక్సెస్​ సీక్రెట్ ఏంటి?