పవర్స్టార్ పవన్‌కల్యాణ్‌కు విదేశాల్లోనూ అభిమానులు ఉంటారని ప్రత్యేకంగా చెప్పనక్కర్లేదు. అందుకే అమెరికాలోనూ 'వకీల్సాబ్' హవా నడుస్తోంది. ఆయన ప్రధానపాత్రలో నటించిన 'వకీల్సాబ్'ను డైరెక్టర్‌ వేణుశ్రీరామ్‌ తెరకెక్కించారు. ఏప్రిల్‌ 9న విడుదలైన ఈ చిత్రం ప్రేక్షకులను విశేషంగా అలరిస్తోంది. అమెరికాలో బుధవారం ఒక్కరోజే 117 ప్రాంతాల్లో 8,311 డాలర్లు వసూలు చేసింది. మొత్తంగా 7,10,952 డాలర్లు రాబట్టింది.
ఈ సినిమాలో పవన్ సరసన శ్రుతిహాసన్‌ సందడి చేసింది. నివేదాథామస్‌, అంజలి, అనన్య, ప్రకాశ్‌రాజ్‌ కీలకపాత్రలు పోషించారు. బోనీ కపూర్‌ సమర్పణలో దిల్‌రాజు, శిరీష్‌ నిర్మించారు. తమన్‌ సంగీతం ఇచ్చారు.
ఇదీ చూడండి: 'మగువా మగువా' ఫిమేల్ వెర్షన్ వచ్చేసింది
