పవర్స్టార్ పవన్ కల్యాణ్ నిర్మాతగా మెగా ప్రిన్స్ వరుణ్ తేజ్ హీరోగా ఓ సినిమా తెరకెక్కుతుందని సమాచారం. రచయిత కోన వెంకట్ అందించిన కథతో ఈ సినిమా రూపొందనుందట. త్వరలోనే ఈ సినిమా పూర్తి వివరాలు తెలియజేస్తారని టాలీవుడ్ టాక్.
ప్రస్తుతం 'పింక్' తెలుగు రీమేక్ వకీల్ సాబ్, అలాగే క్రిష్ దర్శకత్వంలో ఓ సినిమా చేస్తున్న పవన్ కల్యాణ్ వీటి తర్వాత హరీష్ శంకర్ దర్శకత్వంలో ఒక చిత్రం చేయడానికి ఒప్పుకొన్నారు. ఈ చిత్రాలన్నీ వచ్చే ఏడాదికల్లా పూర్తవుతాయని సమాచారం. ఈ సమయంలోనే నిర్మాతగా వరుణ్ సినిమాను పట్టాలెక్కించాలని పవన్ భావిస్తున్నారట.
