'ప్యార్ కా పంచ్నామా', 'సోనూ కే టీటూ కీ స్వీటీ' లాంటి హిందీ చిత్రాలతో గుర్తింపు తెచ్చుకున్న నటుడు కార్తీక్ ఆర్యన్. అతడి తాజా సినిమా 'పతీ పత్నీ ఔర్ ఓ' ట్రైలర్ యూట్యూబ్లో సంచలనం సృష్టిస్తోంది. విడుదలై 24 గంటలు కూడా కాకముందే దాదాపు 80 లక్షల వీక్షణలతో దూసుకెళ్తోంది.
ఆద్యంతం హాస్యభరితంగా సాగుతోన్న ఈ ప్రచార చిత్రం సినిమాపై ఆసక్తిని పెంచుతోంది. పంచ్ డైలాగ్లతో కుర్రకారును విశేషంగా ఆకట్టుకుంటోంది. భూమి పెడ్నేకర్, అనన్యా పాండే కథానాయికలుగా నటించారు.
- " class="align-text-top noRightClick twitterSection" data="">
టీ-సిరీస్, బీఆర్ స్టూడియోస్ పతాకంపై భూషణ్కుమార్, రేణు రవిచోప్రా తదితరులు ఈ సినిమాను నిర్మించారు. ముదసార్ అజీజ్ దర్శకత్వం వహించాడు. డిసెంబరు 6న ప్రేక్షకుల ముందుకు రానుందీ చిత్రం.
ఇదీ చదవండి: దిల్లీ కాలుష్యంపై ప్రియాంక ఆవేదన
