ముద్దుగుమ్మ సమంత ప్రధాన పాత్రలో నటిస్తున్న సినిమా 'ఓ బేబీ'. 'పుట్టింది సుర్యకాంతం.. ఓ బేబీ ఓ బేబీ' అంటూ సాగే టైటిల్ సాంగ్ను విడుదల చేసింది చిత్రబృందం.
70 ఏళ్ల వృద్ధురాలి ఆత్మ 20 సంవత్సరాల యువతిలోకి ప్రవేశిస్తే ఏం జరుగుతుందో తెలియాలంటే 'ఓ బేబీ' చూడాల్సిందే. ఎందుకంటే ఇదే కథతో ఈ చిత్రం తెరకెక్కుతోంది. కొరియన్ సినిమా 'మిస్ గ్రానీ'కు ఇది రీమేక్. సీనియర్ నటి లక్ష్మి కీలక పాత్ర పోషిస్తున్నారు. రావు రమేశ్, నాగశౌర్య ఇతర పాత్రల్లో కనిపించనున్నారు.
నందిని రెడ్డి దర్శకత్వం వహిస్తున్న ఈ సినిమాను సురేశ్ ప్రొడక్షన్స్, పీపుల్స్ మీడియా ఫ్యాక్టరీ సంయుక్తంగా నిర్మిస్తున్నారు. మిక్కీ జే మేయర్ సంగీతాన్ని అందించాడు. జూలైలో ప్రేక్షకుల ముందుకు రానుంది.
ఇది చదవండి: పేరు మార్చుకున్న హీరోయిన్ సమంత..!
