బాలీవుడ్ ప్రముఖ హీరోలు హృతిక్ రోషన్, టైగర్ష్రాఫ్ నటించిన యాక్షన్ చిత్రం 'వార్'. ఈ చిత్రబృందం ఆశ్చర్యకర నిర్ణయం తీసుకుంది. ట్రైలర్ ఆవిష్కరణ కోసం ఎటువంటి కార్యక్రమం నిర్వహించట్లేదని చెప్పాడు దర్శుకుడు సిద్ధార్థ్ ఆనంద్.
"ఓ ఈవెంట్ ఏర్పాటు చేసి ప్రేక్షకులకు ఎటువంటి వాగ్దానాలు ఇవ్వాలని అనుకోవట్లేదు. కేవలం ట్రైలర్తోనే వారికి సినిమాపై ఆసక్తి కలగజేయాలని అనుకుంటున్నాం. అందరితో పాటే మేము ప్రచార చిత్రం కోసం ఆత్రుతగా ఎదురుచూస్తున్నాం. సినిమా విషయంలో అభిమానులు మమ్మల్ని ఆదరిస్తారని అనుకుంటున్నాం." -సిద్ధార్థ్ ఆనంద్, దర్శకుడు
యశ్ రాజ్ ఫిల్మ్స్ బ్యానర్పై రూపొందుతున్న ఈ చిత్రంలో వాణీ కపూర్ హీరోయిన్గా నటిస్తోంది. దీనికి సంబంధించిన షూటింగ్ ప్రపంచంలోని ప్రముఖమైన 7 దేశాల్లోని 15 నగరాల్లో జరిగింది. హాలీవుడ్కు చెందిన ప్రముఖ యాక్షన్ డైరక్టర్స్ నలుగురు ఈ సినిమాకు పనిచేశారు. అన్ని కార్యక్రమాలు పూర్తి చేసుకుని ప్రపంచవ్యాప్తంగా అక్టోబరు 2న థియేటర్లలోకి రానుంది.
ఇది చదవండి: 'నన్ను ట్రోల్ చేయండి.. నాపై మీమ్స్ వేయండి'
