పవర్స్టార్ పవన్‌కల్యాణ్ భార్య పాత్రలో నిత్యామేనన్ కనిపించనుందా? అంటే అవుననే అంటున్నాయి టాలీవుడ్ వర్గాలు. పవన్, రానా కథానాయకులుగా 'అయ్యప్పనుమ్ కోశియుమ్' తెలుగులో రీమేక్ అవుతోంది. సాగర్‌ కె. చంద్ర దర్శకుడు. ఈ చిత్రంలో ఇద్దరు నాయికలుగా చోటుండగా రానా సరసన ఇప్పటికే ఐశ్వర్య రాజేశ్‌ను చిత్రబృందం ఎంపికచేసింది.
పవన్ సరసన సాయి పల్లవి నటిస్తోందంటూ ఇటీవల వార్తలొచ్చాయి. దానిపై స్పష్టత రాకపోగా అనివార్య కారణంగా సాయి పల్లవి ఈ ప్రాజెక్టులో నటించడంలేదని, ఆ స్థానంలో నిత్య మేనన్‌ భర్తీ చేయనుందని కథనాలు వెలువడ్డాయి. ఇప్పుడు ఈ అంశం మరోసారి తెరపైకి వచ్చింది.
ఇటీవల చిత్ర బృందం నిత్యని సంప్రదించగా.. ఆమె అందుకు ఓకే చెప్పిందని సమాచారం. త్వరలోనే అధికారిక ప్రకటన వెలువడే అవకాశాలున్నాయి. ప్రముఖ దర్శకుడు త్రివిక్రమ్‌ మాటలు అందిస్తున్నారు. తమన్‌ సంగీతం సమకూరుస్తున్నారు.
ఇదీ చూడండి: సల్మాన్ కొత్త సినిమా టైటిల్ ఇదే!
