ఈ ఏడాదిలో ఇప్పటికే రెండు చిత్రాలతో సందడి చేశారు హీరో నితిన్. ఇప్పుడు ముచ్చటగా మూడో చిత్రాన్ని ప్రేక్షకుల ముందుకు తీసుకొచ్చే పనిలో ఉన్నారు. బాలీవుడ్ సూపర్హిట్ చిత్రం 'అంధాధున్' తెలుగు రీమేక్గా నితిన్ ప్రధానపాత్రలో 'మ్యాస్ట్రో' చిత్రాన్ని రూపొందిస్తున్నారు. ఈ సినిమాకు సంబంధించిన షూటింగ్ మరో ఏడు రోజులు మాత్రమే మిగిలుందని టాలీవుడ్ వర్గాలు అంటున్నాయి. జూన్ రెండో వారంలో చిత్రీకరణ పూర్తి చేసుకొని.. ఓటీటీ ద్వారా చిత్రాన్ని ప్రేక్షకుల ముందుకు తీసుకురానున్నారని టాక్. అయితే దీనిపై ఎలాంటి అధికారిక ప్రకటన రాలేదు.
శ్రేష్ఠ్‌ మూవీస్‌ పతాకంపై సుధాకర్‌రెడ్డి, నిఖితా రెడ్డి ఈ చిత్రాన్ని నిర్మిస్తున్నారు. మేర్లపాక గాంధీ దర్శకుడు. మహతి స్వరసాగర్ సంగీతాన్ని అందిస్తున్నారు. నితిన్‌కు జోడీగా నభా నటేష్‌ నటిస్తోంది. తమన్నా ఓ ముఖ్య పాత్రను పోషిస్తోంది. ఇటీవలే విడుదలైన నితిన్ ఫస్ట్లుక్, గ్లింప్స్కు మంచి స్పందన లభిస్తోంది.
ఇదీ చూడండి: నితిన్ 'అంధాధున్' రీమేక్ టైటిల్ ఖరారు
