బాలీవుడ్ కథానాయిక నేహా ధూపియా (neha dhupia) ప్రస్తుతం 8 నెలల గర్భిణి. అయినా నటనకు విరామం ఇవ్వకుండా ఉత్సాహంగా చిత్రీకరణలో పాల్గొంటోంది. మరో విశేషమేంటంటే తెరపై గర్భిణీ పోలీస్ అధికారిణిగా నటిస్తోంది. ఆ చిత్రమే 'ఏ థర్స్డే'. జేహ్జాద్ ఖంబాటా తెరకెక్కిస్తున్నారు. యామీగౌతం, డింపుల్ కపాడియా, అతుల్ కులకర్ణి తదితరులు ఇతర పాత్రలు పోషిస్తున్నారు.
గురువారం రోజు జరిగే అనూహ్య సంఘటన నేపథ్యంలో థ్రిల్లర్ చిత్రంగా ఇది తెరకెక్కుతోంది. దీనిపై నేహా ధూపియా ఆనందం వ్యక్తం చేసింది. నిజ జీవితానికి, తెర జీవితానికి మధ్య అంతరాన్ని చెరిపేసే పాత్రను పోషిస్తుండటం మరపురాని అనుభూతి అని నేహా పేర్కొంది. ఈ చిత్రంలోని తన లుక్ను ఇన్స్టాలో పోస్ట్ చేసింది.
ఇదీ చదవండి : 'సినిమాల్లోకి రాకముందు బొగ్గు గనుల్లో పనిచేశా'
